Ullungar fjölmennir í Strandagöngu

Í dag fór fram 24. Strandagangan í Selárdal á vegum Skíðafélags Strandamanna. Ullur átti fjölda þátttakenda að þessu sinni, stóran hóp á öllum aldri. Okkar yngstu keppendur stóðu sig með sóma og gengu 1 og 5 km við fínar aðstæður, þó lítilsháttar vindur og kuldi hafi bitið í kinnar. Eldri Ullungar gengu 10 og 20 km og voru félaginu til sóma enda margir hverjir á verðlaunapalli. Þar með talið átti Ullur fyrsta karl og konu í 20 km göngu. Úrslit má nálgast hér.

Mótið var frábært í alla staði og óskum við Strandamönnum til hamingju með flotta aðstöðu í Selárdal. Að hætti Strandamanna var boðið til kökuhlaðborðs og verðlaunaafhendingar í félagsheimilinu að göngu lokinni.

 

Nýjar æfingalotur fyrir byrjendur og lengra komna og skautanámskeið

Á laugardaginn 10. mars hefjast  3 ný námskeið hjá Ulli.  Þetta eru: 6 skipta námskeið fyrir byrjendur, 4 skipta framahaldsnámskeið og svo 4 skipta skautanámskeið. Nánari lýsing á námskeiðunum fylgir hér neðar í póstinum en hægt er að skrá sig námskeiðin á verslun.ullur.is.

Til að vera þátttakandi á þessum námskeiðum Ullar þarf að vera skráður í félagið.
Nánari upplýsingar um hvernig hægt er að skrá sig í félagið má finna hér.

Athugið, einungis er hægt að fá leigð skíði hjá félaginu ef æfingin fer fram í Bláfjöllum.
Verð á skíðaleigu með námskeiði er 2.000 kr. skiptið (fullt verð 3.000 kr. )

Vakin er athygli á því að eins og á öðrum skíðasvæðum þarf að kaupa skíðakort sem gildir í brautirnar í Bláfjöllum en það er ekki innifalið í námskeiðum sem haldin eru á svæðinu.

Fylgist með á Facebook síðu Ullar varðandi breytingar vegna veðurs.
Smelltu hér til að skoða staðsetningu Ullarskálans í Bláfjöllum, þar sem námskeið og æfingarnar fara fram.

Byrjendanámskeið, 6 skipti: Námskeiðið er ætlað byrjendum. Farið verður í alla helstu þætti skíðagöngunnar eins og skíðatækni, klæðnað, smurningu og fleira.
Verð: 12.000.- kr.

Kennslan fer fram á eftirfarandi dögum:
Laugardaginn 10.3 kl. 11:00
Sunnudaginn 11.3 kl. 11:00
Miðvikudaginn 14.3 kl 18:00
Fimmtudaginn 15:3 kl. 18:00
Sunnudaginn 18.3 kl. 13:30
Miðvikudaginn 21.3 kl. 18:00

Framhaldsnámskeið, 4 skipti:  Námskeiðið er ætlað þeim sem hafa verið áður á námskeiðum hjá Ulli.
Verð: 8.000.- kr.

Kennslan fer fram á eftirfarandi dögum:
Laugardaginn 10.3 kl. 12:30
Sunnudaginn 11.3 kl. 12:30
Miðvikudaginn 14.3 kl 19:30
Miðvikudaginn 21.3 kl. 19:30

Skautanámskeið, 4 skipti: Athugið, ekki er hægt að nota skinnskíði eða riffluð skíði. Það er þó hægt að nota venjuleg smurningsskíði þó best sé að vera á skautaskíðum, skauta- eða kombi skóm og 10 cm hærri stafi en í hefðundinni göngu.
Verð: 8.000.- kr.

Kennslan fer fram á eftirfarandi dögum:
Laugardaginn 10.3 kl. 10:30 (athugið breyttan tíma frá áður auglýstum tíma)
Sunnudaginn 11.3 kl. 10:30 (athugið breyttan tíma frá áður auglýstum tíma)
Þriðjudaginn 13.3 kl 18:00
Fimmtudaginn 15.3 kl. 18:00

 

Byrjendanámskeið laugardaginn 10. mars kl 12:30

Laugardaginn 10. mars stendur Ullur fyrir námskeiði í skíðagöngu, í Bláfjöllum, fyrir byrjendur og aðra sem vilja ná svolítið betri tökum á göngutækninni. Námskeiðið hefst kl. 12:30 og  stendur í rúma klukkustund. Smelltu hér til að skoða staðsetningu Ullarskálans í Bláfjöllum, þar sem æfingin fer fram.

Takmarkaður fjöldi þátttakenda er á námskeiðið og verður leiðbeinandi á hverja 7-8. Námskeiðið kostar 3.000 kr., þeir sem þurfa að fá lánaðan búnað greiða 2.000 kr. að auki  en ekki má treysta því að fleiri en 18 geti fengið lánaðan búnað á námskeiðinu.

Skráning og greiðslur

Nauðsynlegt er að fólk skrái sig á námskeiðið og má gera það með því að fara inn á skráningar- og greiðslusíðu félagsins sem er verslun.ullur.is. Skráningar taka gildi þegar greiðsla skráningargjalds hefur farið fram.

Vakin er athygli á því að eins og á öðrum skíðasvæðum þarf að kaupa skíðakort sem gildir í brautirnar í Bláfjöllum en það er ekki innifalið í námskeiðum sem haldin eru á svæðinu.

Smelltu hér til að skoða gjaldskrá skíðasvæðisins í Bláfjöllum, en dagskort kostar 980 kr. Hægt er að greiða fyrir dagskort með korti í skála Ullar.

FIS/Bikarmót á Ólafsfirði 2. – 4. mars 2018

Dagana 2. – 4. mars fer fram á Ólafsfirði alþjóðlegt FIS-mót sem er jafnframt Bikarmót SKÍ. Dagskrá og nánari upplýsingar má finna í mótsboði.

Mótið er fyrir 13 ára og eldri. Athugið að keppendur 17 ára og eldri þurfa að hafa FIS-leyfi til að taka þátt í FIS móti. Einnig, þá voru gerðar breytingar á aldri keppenda frá fyrra ári til samræmis við reglur FIS og nú miðast aldur keppenda tímabilið 2017/18 við aldur keppenda á árinu 2018.

Ullungar sem hafa hug á þátttöku, sendi póst á ullarpostur@gmail.com eða hafi sambandi við Málfríði s. 8946337  . Skráningar skulu berast í síðasta lagi í dag 27. febrúar kl 19:00.

Snorri keppir í 15 km F

Snorri EinarssonSnemma í fyrramálið byrjar ballið hjá Ullungnum Snorra Einarssyni þegar hann hefur keppni í 15 km göngu með frjálsi aðferð. Það er önnur keppnisgrein hans á Ólympíuleikunum í Pyeongchang í Suður Kóreu. Ræst er með interval starti, þá eru keppendur ræstir með 30 sekúndna millibili og er Snorri 12. af stað út í braut.

Eftir brösótt gengi í 30 km skiptigöngunni, þar sem ól á skíðastafnum slitnaði og skíðastafur brotnaði í upphafi göngu, má gera rá fyrir einbeittum Snorra til leiks. Áður hefur Snorri náð ágætum úrslitum í sömu grein, meðal annars í Heimsbikarkeppni í Davos fyrir jól þegar hann náði 29. sæti og skoraði 38 fis-stig.

Útsending frá keppninni hefst kl. 5:50 á RÚV. Áhugasömum er einnig bent á úrslitaþjónustu Alþjóðaskíðasambandsins, þar sem fylgjast má með millitímum allra keppenda úti í braut jafn óðum og þeir berast. Hér má nálgast úrslitaþjónustuna.

Við í Ulli sendum honum baráttukveðjur, alla leið í mark!

Fjarðagangan á Ólafsfirði 24. febrúar

Þá fer að líða að næstu Íslandsgöngu en það er Fjarðagangan á Ólafsfirði. Í ár ætla Ólafsfirðingar að halda gönguna á nýjum stað og hanna brautina sérstaklega fyrir hinn almenna skíðagöngumann. Við hvetjum alla Ullunga að skella sér norður! Hægt er að taka þátt í 20 km, 10 km og 5 km og svo er auðvitað krílaflokkur sem fer styttri vegalengd. Það er eitthvað fyrir alla svo það er um að gera að drífa fjölskylduna norður, enda svo eftir gönguna á kökuhlaðborðinu, en það er jú engin Íslandsganga án kökuhlaðborðs! Nánari upplýsingar má finna í atburðinum fyrir gönguna facebook.

Snorri Einarsson á Ólympíuleikunum

img_1987.jpg

Snorri Einarsson, Ulli. Mynd SKÍ

Á morgun, sunnudag, mun Skíðagöngufélagið Ullur eiga þátttakanda á Ólympíuleikunum í PyeongChang í Suður Kóreu. Þá hefur Ullungurinn Snorri Einarsson keppni í 30 km skiptigöngu með hópstarti. Bein útsending hefst kl. 6:15 á RÚV 2.

Snorri hefur að undanförnu verið stöðugur meðal 30 bestu í heimsbikarkeppni alþjóða skíðasambandsins  (FIS). Með góðri göngu má því búast við að Snorri gangi meðal fremstu manna í göngunni og verði í hörku báráttu.

30 km skiptiganga fer þannig fram að fyrst eru gengnir 15 km með hefðbundinni aðferð og svo strax í kjölfarið gengnir 15 km með frjálsri aðferð. Það þarf því að skipta um skíði, stafi og aðferð í miðri göngu. Snorri keppti síðast í skiptigöngu í desember á heimsbikarmóti í Lillehammer í Noregi. Þar endaði hann í 33. sæti, rúmum 4 mínútum á eftir ungstirninu Johannes Høsloft Klæbo frá Noregi.

Í desember síðastliðnum birtist stutt viðtal við Snorra á heimasíðu FIS, áhugasamir geta lesið viðtalið við hann hér.

Snorri keppir einnig í 15 km göngu með frjálsri aðferð þann 16. febrúar og 50 km göngu með hefðbundinni aðferð laugardaginn 24. febrúar.

Skíðagöngufélagið Ullur óskar Snorra góðs gengis á morgun.

 

FIS/Bikarmót á Akureyri 16. – 18. febrúar 2018

Dagana 16. – 18. febrúar fer fram í Hlíðafjalli við Akureyri alþjóðlegt FIS-mót sem jafnframt er Bikarmót SKÍ. Drög að dagskrá og nánari upplýsingar má finna í mótsboði.

Mótið er fyrir 13 ára og eldri. Athugið að keppendur 17 ára og eldri þurfa að hafa FIS-leyfi til að taka þátt í FIS móti. Einnig, þá voru gerðar breytingar á aldri keppenda frá fyrra ári til samræmis við reglur FIS og nú miðast aldur keppenda tímabilið 2017/18 við aldur keppenda á árinu 2018.

Ullungar sem hafa hug á þátttöku, sendi póst á ullarpostur@gmail.com eða hafi sambandi við Málfríði s. 8946337  . Skráningar skulu berastí síðasta lagi 13. febrúar.