Hjólaskíðamót sunnudaginn 6. október 2019

Hið árlega hjólaskíðamót Ullar verður haldið sunnudaginn 6. október. Mótið, sem er jafnframt fyrsti viðburður félagsins á nýjum skíðavetri, fer fram í Fossvogsdal en mark og start er í nágrenni Víkings og er merkt inn á kortið hér fyrir neðan. Ræst verður hjá yngri flokkum kl 10 og hjá 12 ára og eldri kl 10:30.

Dagskrá og flokkar eru eftirfarandi:

Ræsing kl. 10:00
11 ára og yngri eru á línuskautum
9 ára og yngri – fara 1 km (út frá marki eftir stígnum og til baka í mark)
10-11 ára – fara 2 km (út frá marki eftir stígnum og til baka í mark)

Þrautabraut fyrir þá yngstu við rásmark

Ræsing kl 10:30+ (eða um leið og allir eru komnir í mark og tímataka er klár)
12-16 ára stúlkur og piltar – Hjólaskíði, hefðbundin aðferð 5 km
12-16 ára stúlkur og piltar – Línuskautar, frjáls aðferð með stafi 5 km
17 ára og eldri konur og karlar – Hjólaskíði, hefðbundin aðferð 10 km.

Einungis má keppa á hjólaskíðum með stoppara (ekki á skautahjólaskíðum). Hjálmaskylda er í keppninni.

Þátttökugjald fyrir 12 ára og eldri er 1000 kr., 500kr fyrir yngri en 12 ára, ókeypis í þrautabraut. Hægt er að skrá sig á verslun.ullur.is, en einnig má skrá sig á staðnum. Æskilegt er að sem flestir skrái sig fyrir fram.

Nánari upplýsingar veitir Málfríður í síma 894 6337.

Aðalfundur Skíðagöngufélagsins Ullar miðvikudaginn 15. maí 2019

Aðalfundur Skíðagöngufélagsins Ullar verður haldinn í húsnæði ÍSÍ, Íþróttamiðstöðinni í Laugardal, miðvikudaginn 15. maí 2019 kl. 20:00.

Málefni sem félagar óska eftir að tekin verði fyrir á fundinum skulu hafa borist stjórn minnst viku fyrir aðalfund á netfangið stjornullar@gmail.com

Mál sem berast eftir að sá frestur er liðinn verða ekki tekin fyrir nema 2/3 fundarmanna samþykki það. Rétt til fundarsetu með öllum réttindum hafa skuldlausir félagar.

Dagsskrá aðalfundar:
1. Fundarsetning
2. Kosnir fundarstjóri og fundarritari
3. Lögð fram ársskýrsla stjórnar fyrir liðið starfsár og umræða um hana
4. Skýrslur nefnda
5. Lagðir fram endurskoðaðir ársreikningar, umræða og atkvæðagreiðsla
6. Fjárhagsáætlun næsta starfsárs
7. Lagabreytingar ef fyrir liggja
8. Stjórnarkjör:
a) kosinn formaður
b) kosnir fjórir aðalstjórnarmenn
c) kosnir tveir varamenn í stjórn
d) kosinn skoðunarmaður og annar til vara
9. Aðrar tillögur sem borist hafa til stjórnar
10. Önnur mál
11. Fundarslit

Félags­menn eru hvattir til að mæta á fundinn og taka þátt í að móta starf félagsins, því þetta er ykkar félag.

Stjórnin

Almennar upplýsingar til keppenda í Bláfjallagöngunni

English below
Kæru keppendur!
Metþátttaka er í Bláfjallagöngunni í ár og við biðjum ykkur að lesa vel yfir þennan póst.
Hér má sjá hvar flagan er fest og númerið.
Dagskrá
Föstudagur:
16:00-18:00 Afhending skráningargagna í Ferða- og útivistabúðinni Everest í Skeifunni 6, 108 Reykjavík (sjá staðsetningu hér)
Við viljum hvetja alla sem hafa tök á, að koma  í Everest til að létta á afhendingu gagna á mótsdag.
 
Laugardagur:
Gefið ykkur góðan tíma fyrir start. Það verða örugglega rúmlega 320 bílar á bílastæðinu. Verum góð og hjálpum hvert öðru.
 
07:30 Afhending keppnisgagna hefst
08:30 Afhending keppnisgagna lýkur fyrir 40 km
09:00 Ræsing fyrir 40 km (Tímatakmörk fyrir 40 km er að keppandi þarf að ná 20 km á 2:45 mín)
09:30 Afhending keppnisgagna fyrir 1 km, 5 km, 10 km og 20 km 
10:00 Ræsing fyrir keppendur í 1 km, 5 km, 10 km og 20 km
 
Brautin (sjá kort hér)
Marksvæðið verður lokað af þar til ræst verður út til að halda sporinu hreinu.
Hita má upp í brautinni, bara ekki á mark- og startsvæðinu, þar er viðkvæmur tímatökubúnaður sem gæti truflast.
 
Brautin er 20 km hringur
Stærsti hringurinn verður 20 km og fara keppendur í 20 km einn heilan stóran hring og keppendur í 40 km tvo hringi. 5 km brautin er með tveimur útgönguleiðum út úr 20 km hringnum og 10 km brautin er með einni útgönguleið úr úr 20 km hringnum, það er efst í brekkunni við Stórahól. Brautarverðir vísa leiðina fyrir 1 km. Brautirnar er teiknaðar og merktar með útgönguleiðum og drykkjarstöðvum á korti sem má sjá hér. Að auki verða brautarverðir og merkingar út í braut. 
 
Drykkjarstöðvar eru tvær
Sú fyrri er eftir 7,5 km við enda brekkunnar við Stórahól.
Sú seinni er við marksvæðið fyrir þá sem fara 40 km. 
 
Verðlaunaafhendingar og kaffisamsæti
Verðlaunaafhending fyrir hvern flokk í Bláfjöllum um leið og keppendur eru komnir í mark. 
Þeir fyrstu í karla- og kvennaflokki í 20 km og 40 km fá svo afhenta bikara í kaffisamsætinu kl. 14:00
Allir fá þátttökuverðlaun þegar þeir koma í mark.
Kaffisamsætið er í Valsheimilinu á Hlíðarenda og byrjar kl. 14:00 og er til 16:00
Úrdráttarverðlaun verða afhent samhliða kaffisamsætinu.
Reykjavíkurmeistarar verða ekki krýndir að þessu sinni samhliða Bláfjallagöngunni. Ýmis tæknilega atriði komu upp. Það verður auglýst sérstaklega síðar.
 
Parakeppni
Enn er hægt að skrá sig í parakeppnina í 20 km og 40km með því að smella hér. Til að finna félaga er hægt að skoða hverjir eru skráðir í gönguna.
 
Við sjáumst á morgun í Bláfjöllum!
Skíðagöngufélagið Ullur
 
English short version
Collect bib and chip in Everest today between 4-6PM or in the Ullur hut from 7:30-9:30AM tomorrow.
Be early tomorrow, the car park will be quite full. 
40 km start at 9:00AM and others start at 10:00AM.
The start and end zones will be closed until groups are started.
A map of the course with drinking stations can be seen here.
Cake buffet is from 2-4 PM in Valsheimili in Reykjavík
 
We are looking forward to seeing you in Bláfjöll tomorrow !
Ullur

Kynningarkvöld Ullar

Fimmtudagskvöldið 1. nóvember heldur Skíðagöngufélagið Ullur sitt árlega kynningarkvöld í húsakynnum ÍSÍ í Laugardal kl 20:00, 2. hæð.

Á fundinum verður kynning á starfi vetrarins, bæði námskeið og mót.

Sem fyrr, þá bjóðum við bæði upp á lengri og styttri námskeið fyrir byrjendur og aðeins lengra komna en einnig verður boðið upp á æfingar fyrir þau sem hyggja á þátttöku í mótum, t.d. Íslandsgöngunum. Auk þess verður boðið upp á einkanámskeið fyrir hópa.

Í lokin verða nokkrar verslanir með kynningu á sínum skíðagönguvörum en félagar í Ulli fá ríflegan afslátt í þeim verslunum.

Við hvetjum fólk til að fjölmenna á fundinn hvort sem það hefur stundað íþróttina áður eða ekki. Kjörið tækifæri til að endurnýja kynnin við skíðagöngufélaga.

Aðalfundur Skíðagöngufélagsins Ullar

Aðalfundur Skíðagöngufélagsins Ullar verður haldinn í húsnæði ÍSÍ, Íþróttamiðstöðinni í Laugardal, mánudaginn 7. maí 2018 kl. 20:00.

Málefni sem félagar óska eftir að tekin verði fyrir á fundinum skulu hafa borist stjórn minnst viku fyrir aðalfund á netfangið stjornullar@gmail.com
Mál sem berast eftir að sá frestur er liðinn verða ekki tekin fyrir nema 2/3 fundarmanna samþykki það. Rétt til fundarsetu með öllum réttindum hafa skuldlausir félagar.

Dagsskrá aðalfundar:
1. Fundarsetning
2. Kosnir fundarstjóri og fundarritari
3. Lögð fram ársskýrsla stjórnar fyrir liðið starfsár og umræða um hana
4. Skýrslur nefnda
5. Lagðir fram endurskoðaðir ársreikningar, umræða og atkvæðagreiðsla
6. Fjárhagsáætlun næsta starfsárs
7. Lagabreytingar ef fyrir liggja
8. Stjórnarkjör:
a) kosinn formaður
b) kosnir fjórir aðalstjórnarmenn
c) kosnir tveir varamenn í stjórn
d) kosinn skoðunarmaður og annar til vara
9. Aðrar tillögur sem borist hafa til stjórnar
10. Önnur mál
11. Fundarslit

Félags­menn eru hvattir til að mæta á fundinn og taka þátt í að móta starf félagsins, því þetta er ykkar félag.

Stjórnin

Aðventu- og skíðakveðja

Kæru félagar í Ulli.
Nú á næstu vikum, þ.e. þegar amstri jóla og áramóta lýkur, mun vetrarstarfið bresta á af fullum þunga, enda erum við búin að leggja inn pöntun fyrir ríflegu magni af snjó. Fyrsta sending kom á dögunum og von er á meiru fljótlega.
Til að starfið gangi sem best, þurfa félagar að vera virkir og því ætlum við að ná sem flestum á kynningarfund félagsins sem haldinn verður annað kvöld, miðvikudaginn 6. desember kl. 20:00 í húsnæði ÍSÍ í Laugardal.
Hverjum alla áhugasama til að mæta og takið gjarnan með gesti, sem hafa hug á að prófa þá frábæru íþrótt sem skíðagangan er.
Öllum skráðum félögum ætti nú að hafa borist greiðsluseðill á heimabanka og í dag hefur stór hluti okkar greitt árgjaldið, sem er gleðiefni. Fyrir það erum við þakklát!
Við viljum því hvetja þá sem eiga eftir að greiða árgjaldið að gera það sem fyrst, til að þeir geti framvísað skírteini þegar þeir sækja um árskort á skíðasvæðin, því skírteinið veitir góðan afslátt af þeim kaupum.
Félagsskírteini verða send út á næstunni, en ef félagsskírteini hefur ekki borist við kaup á árskorti á skíðasvæðin, er hægt að framvísa kvittun vegna greiðslu árgjalds.
 Jafn lítið félag og Ullur er, þarf á framlagi allra félaga að halda til að hægt sé að halda uppi öflugu starfi. Nú í haust hafa verið unnar miklar endurbætur af harðduglegum sjálfboðaliðum á skálanum og samstarf við skíðasvæðin eflt upp á að halda úti góðum troðnum brautum við hæfi allra. Þessu fáum við áorkað með öflugu starfi sem kostar sitt.
Það stefnir í glæsilegan skíðavetur og það er undir okkur öllum komið hversu öflugt félagsstarfið verður.
Aðventu- og skíðakveðja
Stjórn Ullar.

Kynningarkvöld Ullar

Miðvikudagskvöldið 6. desember heldur Skíðagöngufélagið Ullur sitt árlega kynningarkvöld í húsakynnum ÍSÍ í Laugardal kl 20:00, 2. hæð.

Veturinn gat ekki byrjað betur en hann gerði með frábæru skíðafæri í nokkrar vikur strax í nóvember og því hlýtur að vera kominn eldmóður í alla skíðamenn. Þess vegna fjölmennum við á þennan fund hvort sem við höfum stundað íþróttina áður eða ekki.
Þarna verður kynnt starf vetrarins, bæði námskeið og mót.

Sem fyrr, þá bjóðum við bæði upp á lengri og styttri námskeið fyrir byrjendur og einnig verða æfingar fyrir lengra komna og þá sem hyggja á þátttöku í mótum. Að auki ætlum við að bjóða hópum einkanámskeið.

Í lokin verða síðan helstu verslanir með skíðagönguvörur með kynningu á því sem þær hafa að bjóða og en félagar í Ulli fá ríflegan afslátt í þeim verslunum.

Aðalfundarboð 2017 og vinnudagur í Bláfjöllum

Aðalfundur Skíðagöngufélagsins Ullar verður haldinn kl. 18:00 miðvikudaginn 10. maí 2017, á Bryggjunni Brugghúsi, Grandagarði 8. Hefðbundin aðalfundarstörf.

Þar sem starfi vetrarins er nánast lokið ætlum við að slá tvær flugur í einu höggi, kveðja vertíðina eftir aðalfundinn og eiga ánægjulega stund saman á Bryggjunni. Gaman væri að sjá alla þá sem hafa verið virkir í starfi vetrarins í vetur, mætt á námskeið, tekið þátt í kennslu, keppt á mótum, verið í skálavörslu, sinnt mótahaldi eða bara komið á skíði í Bláfjöll í vetur.

Sunnudaginn 14. maí stefnum við síðan á vinnudag í Bláfjöllum. Bræðum geymsluvax undir leiguskíði, þrífum skálann, berum á skálann, skiptum um útidyrahurð og ýmsilegt fleira sem til fellur. Það er því tilvalið að taka daginn frá og mæta í smá „dugnað“ með okkur, eins og Norðmenn kalla það. Margar hendur vinna létt verk!