Barna- og unglingaæfingar hefjast miðvikudaginn 6. september kl 18:00

Haustið 2017 verða reglulegar æfingar fyrir börn og unglinga á vegum Ullar undir stjórn Sigrúnar Önnu Auðardóttur þjálfara og hefjast þær miðvikudaginn 6. september. Æfingarnar eru fyrir 6 ára og eldri. Fyrirkomulag þeirra verður með eftirfarandi hætti:

Æfingar barna- og unglinga verða tvisvar í viku þar til æfingarnar færast á snjó, kl. 18:00 á miðvikudögum og kl. 11:00 á sunnudögum. Mæting á bílastæðið við Árbæjarsafn. Æfingarnar standa yfir í 1 klst hjá börnunum og 1-1 ½ klst. hjá unglingunum.

Nýir iðkendur eru velkomnir og þeir sem hafa áhuga á að bætast í hópinn geta t.d. sent Sigrúnu Önnu eða forsvarsmanni foreldrafélagsins, Ólafi Th. Árnasyni, tölvupóst í krakkaullur@gmail.com. Einnig má hringja í Sigrúnu í síma 849-5323. Allar helstu upplýsingar um æfingarnar má svo finna á facebook grúppu hópsins.

Auglýsingar

Frábærum Andrésar Andar leikum lokið

Á laugardag lauk Andrésar Andar leikunum með keppni í boðgöngu fyrir 9 ára og eldri og þrautabraut fyrir 5 – 8 ára. Boðgangan er alltaf spennandi og ekki er þrautabrautin minna spennandi fyrir þau allra yngstu, enda fyrsta skipti sem þau fá að taka þátt á Andrésar Andar leikum.

Í boðgöngunni er skipt í tvo aldursflokka, 9 – 11 ára og 12 – 15 ára. Ullur átti sveit vaskra stúlkna í báðum flokkum auk þess að eiga fulltrúa í blandaðri sveit með Akureyringum. Kláruðu allir sinn sprett með miklum sóma. Úrslit má fnna á skidi.is.

Í þrautabrautinni átti Ullur fimm þáttakendur, þarf af tvo sem gengu í fyrsta skipti. Á leiðinni eru krakkarnir látnir leysa ýmsar þrautir. Meðal annars, fara í gegnum göng, fara í hjólabraut, renna sér í svigbraut, ganga aftur á bak og skjóta af skíðaskotfimirifli (fyrir börn, með laser ljósi). Allt ótúlega spennandi og marg sem við fullorðna fólkið myndum veigra okkur við að gera!

Á þessum leikum átti Ullur 13 keppendur, 5 fleiri heldur en í fyrra. Það er ánægjulegt að sjá fjölgun í hópnum og eru vonir bundnar við (og markmiðið er) að enn fleiri þáttakendur keppi fyrir Ull að ári, það er pláss fyrir miklu fleiri og allir eru velkomnir!

Annar keppnisdagur á Andrésar Andar leikunum

Þá er öðrum keppnisdegi á Andrés lokið og þvílíkur dagur! Sól og logn (engar ýkjur) allan daginn sem jók á gleðina og ánægjuna hjá krökkunum svo um munaði.

Í dag var keppt með frjálsri aðferð, þau yngstu (6-9 ára) gengu 1 km, 10-11 ára gengu 2 km og þau elstu (12-15 ára) 3 km í skicross braut. Skicross er  þegar keppendur fara í braut þar sem lagðar hafa verið inn þrautir og hindranir sem keppendur fara um. Skemmtileg keppni sem reynir ekki bara á þol heldur skíðafærni og tækni líka.

Árangurinn lét ekki á sér standa frekar en í gær, eitt gull og eitt silfur verður að teljast frábær árangur. Heildarúrslit má nálgast á timataka.net

Á morgun verður svo keppti í boðgöngu þar sem Ullur verður með tvær sveitir og einn fulltúa í blandaðir sveit með Akureyringum. Að auki fá yngstu keppendurnir okkar  (5 ára) loksins sitt tækifæri á morgun þegar „keppt“ verður í þrautabraut, skemmtileg nýjung sem var fyrst á dagskrá í fyrra.

Fyrsti keppnisdagur á Andrésar Andar Leikunum

Þá er það loksins byrjað, mótið sem krakkarnir hafa beðið eftir í allan vetur, Andrésar Andar Leikarnir. Í gærkvöldi vou leikarnir settir á hefðbundin hátt með skrúðgöngu og kvöldvöku í íþróttahöllinni á Akureyri. Okkar hópur, sem telur 13 börn og unglinga, söng sig hásan alla skrúðgönguna og stimplaði sig rækilega inn sem háværasta liðið miðað við höfðatölu.

Fyrsti keppnisdagur einkenndist af sviftingum í veðri, eins og gengur og gerist á Íslandi. Snjókoma, vindur og breytilegt færi gerði leikana að almennilegri áskorun fyrir iðkendur aðstoðarfólk.

Okkar krakkar náðu flottum árangri, allri kláruðu með sóma og sumir náðu meira að segja á hin eftirsóknarverða verðlaunapall, tvö gull hvorki meira né minna!

Á morgun fer svo fram keppni með frjálsri aðferð og á laugardag keppni í boðgöngu og þrautabraut fyrir þau allra yngstu.

Forvitnir geta nálgast úrslit, dagskrá, myndir og aðrar upplýsingar um mótið á http://www.skidi.is og á Facebook síðu leikanna.

18034869_10155250587799806_937025841_n

 

Unglingameistaramót Íslands í Bláfjöllum um helgina

Um helgina, dagana 8. -10. apríl, fer fram Unglingameistaramót Íslands í Bláfjöllum. Um er að ræða Íslandsmeistaramót í unglingaflokki þar sem keppendur eru á aldrinum 12-15 ára. Jafnframt er mótið liður í Bikarkeppni SKÍ í sömu aldursflokkum. Krýndir eru unglingameistarar í alpagreinum og göngu. Það er Skíðadeild Breiðabliks sem sér um að halda mótið í samvinnu við Ull sem sér um keppnishald í göngu.

Dagskrá fyrir gönguna er eftirfarandi (ath. búið er að seinka kökuhlaðborðinu og verðlaunaafhendingu á sunnudag til 19:30,  eftirfarandi dagskrá gildir frá og með 8. apríl):

Föstudagur 7. apríl:
18:00 Fararstjórafundir í Smáranum
20:00 Setning mótsins í Menntaskólanum í Kópavogi

Laugardagur 8. apríl:
13:00 12-13 ára 3,5 km Frjáls aðferð
13:30 14-15 ára 5 km Frjáls aðferð
Fararstjórafundur í Bláfjöllum að móti loknu
19:00 Sundlaugapartý – Salalaug í Kópavogi

Sunnudagur 9. apríl:
13:00 12-13 ára 3,5 km Hefðbundin aðferð
13:30 14-15 ára 5 km Hefðbundin aðferð
19:30 (18:00) Verðlaunaafhending og veitingar – Fagralundi, félagsheimili HK
Fararstjórafundur strax eftir verðlaunaafhendingu

Mánudagur 10. apríl
11:00 Ski cross allir flokkar
Verðlaunaafhending í Bláfjöllum við skála Ullar

Úrslit, myndir og aðra upplýsingar má svo finna á facebook síðu mótsins sem má finna með því að smella hér.

Páskaeggjamót!

Foreldraráð skíðagöngufélagsins Ulls stendur fyrir páskaeggjamóti laugardaginn 1. apríl kl. 11:00 í Bláfjöllum fyrir börn og unglinga. Ætlunin er að leggja skemmtilega og krefjandi þrautabraut og leika sér og keppa að skíðakrakka sið, flott æfing fyrir Andrésar Andarleikana. Foreldrar hvattir til að mæta með skíðin og sýna listir sínar og færni í brautinni. Hver veit nema krakkarnir skori á foreldra í einvígi!

Vinsamlegast tilkynnið þátttöku á krakkaullur@gmail.com svo unt sé að áætla innkaup á páskaeggjum (já það eru páskaegg í verðlaun!)

img_4573_srgb

Æfinga- og keppnisgallar fyrir Ullunga!

img_4573_srgb

Í fyrra gerði Skíðagöngufélagið Ullur samkomulag við Craftsport (www.craft.is) á Ísafirði um sölu á skíðagöllum til félagsmanna. Um er að ræða keppnisgalla og utanyfirgalla (buxur og jakki) fyrir bæði fullorðna og börn.  Létt og þægileg föt frá Craft (www.craftsportswear.com) sem henta jafn á skíði, í hlaupin, hjólreiðar og gönguferðir. Núna er fyrirhugað að fara af stað með nýja pöntun, allar nánari upplýsingar er að finna hér

 

 

 

 

 

Hægt verður að máta fötin sem hér segir:

  • 8. október kl. 14:30 til 16:30, Bryggjan Brugghús, Gandagarði. Sama stað og tíma og samráðsfundur Ullar fer fram, allir velkomnir!
  • 10.-16. október að Úlfarsbraut 116, eftir kl. 18, Ólafur sími 787 2402

Mikilvægt er að pantanir berist eins fljótt og mögulegt er í gegnum pöntunarsíðu Ulls eða fyrir 17. október

Á gallana verða prentuð lógó frá styrktaraðilum Ullar og merki Ullar

 

 

Barna- og unglingaæfingar hefjast miðvikudaginn 14. september kl 18:00

krakkaullurHaustið 2016 verða reglulegar æfingar fyrir börn og unglinga á vegum Ulls undir stjórn Sigrúnar Önnu Auðardóttur þjálfara og hefjast þær miðvikudaginn 14. september. Æfingarnar eru fyrir 6 ára og eldri. Fyrirkomulag þeirra verður  með eftirfarandi hætti:

Æfingar barna- og unglinga verða tvisvar í viku þar til æfingarnar færast á snjó, kl. 18:00 á miðvikudögum og kl. 11:00 á sunnudögum. Mæting á bílastæðið við Árbæjarsafn. Æfingarnar standa yfir í 1 klst hjá börnunum og 1-1 ½ klst. hjá unglingunum.

Nýir iðkendur eru velkomnir og þeir sem hafa áhuga á að bætast í hópinn geta t.d. sent Sigrúnu Önnu eða forsvarsmanni foreldrafélagsins, Ólafi Th. Árnasyni, tölvupóst í krakkaullur@gmail.com. Einnig má hringja í Sigrúnu í síma 849-5323.

Allar helstu upplýsingar um æfingarnar má svo finna á facebook grúppu hópsins.

Fjölskyldudagur Ullar á sunnudaginn, 17. apríl

Á sunnudaginn kemur stendur Ullur fyrir fjölskyldudegi í Bláfjöllum. Búin verður til þrautabraut og verður hægt að fá lánuð skíði. Við hvetjum skíðaforeldra til að taka börnin með á skíði því það verða fullt af skemmtilegheitum við skála Ullunga. Hátíðin hefst kl. 11 og stendur til ca. 15:30. Fólk er hvatt til að mæta í furðufötum, til dæmis uppábúið í jakkafötum eða trúðsbúningum hvers konar.

Vinsamlegast tilkynnið þátttöku með því að senda póst á ullarpostur@gmail.com og láta vita hvað margir koma svo hægt sé að áætla pylsukaup. Nánari upplýsingar um dagskrá má sjá á mynd fyrir neðan. Athugið, Reykjavíkurmeistaramóti sem auglýst er á myndinni hefur verið frestað fram í byrjun maí og verður auglýst síðar. 
fjolskyldudagur