Hjólaskíðamót Sportval

Eftir að hafa reynt nokkrum sinnum að halda Sportvalsmótið síðasta vetur tókst það loks. Í þetta skipti var það haldið á hjólaskíðum, eðli málsins samkvæmt!

Sportvalsmótið er haldið fyrir yngstu iðkendur okkar eða frá 9 ára til 16 og fer venjulega fram á vorinn. En erfitt tíðarfar og loks snjóleysi komu í veg fyrir að mótið gæti farið fram við venjulegar skíða aðstæður. Því frestaðist móti og breyttist á endanum í hjólakskíðamót. Líklega fyrsta hjólaskíðamótið í Reykjavík sem bara er ætlað fyrir börn og unglinga.

Mótið fór fram í Kópavogi á svæðinu í Kringum Lindakirkju og Salaskóla. Frábærar aðstæður fyrir hjólaskíði og hægt að leggja nokkuð krefjandi braut. Þó að brautin vær krefjandi stóðu krakkarnir, sem mörg hver eru að stíga sín fyrstu skrefa á hjólaskíðum, mjög vel og allir komu heilir í mark.

Krakkar 12 ára og eldri gengu hefðbundið um það bil 6 km og þau yngir, 9-11 ára, gengu 3 km frjálst. Þáttakendur voru 12, 6 í hvorum aldursflokki.

Fyrir mót var tilkynnt um leynigest sem kæmi á mótið og yrði iðkendunum til halds og traust. Leynigesturinn reyndist vera okkar eigin Kristrún Guðnadóttir, landsliðskona úr Ulli! Mikil hvatning fyrir krakkana að fá að sjá hana og hafa með í kringum mótið. Takk fyrir komuna Kristrún 😊

Eins og nafið gefur til kynna kemur Sportval að mótinu og leggur til veglega vinninga, páskaegg og útdráttar verðlaun. Þó að langt sé til páska (eða langt síðan það voru páskar) var hefðinni viðhaldið og páskeeggjum, ásamt vinningum, útdeilt.

Skíðagöngufélagið Ullur þakkar Sportval fyrir stuðninginn og hvetur fólk til að kíkja við hjá Óskari og Begga í Sportval, Selásbraut 98.

Barna – og unglingaæfingarnar fara vel af stað

Fyrr í þessum mánuði var ráðinn nýr yfirþjálfari barna- og unglingastarfs ásamt aðstoðarþjálfara. Yfirþjálfarinn heitir Steven Gromatka og honum til aðstoðar verður Guðný Katrín Kristinsdóttir. Guðný kom að þjálfun seinnihluta vetrar (2020-20121) og var fyrir fáeinum árum ein af Ullar krökkunum. Það er því ánægjulegt að fá hana aftur inn í starfið í nýtt hlutverk. Steven hefur komið að þjáfun margra af okkar bestu skíðamönnum og starfaði um nokkurra ára skeið hjá Skíðafélagi Ísafjarðar. Þar áður starfaði hann við þjálfun í Bandaríkjunum.

Með nýju fólki koma nýjar áherslur. Fleiri æfingar á hjólaskíðum, lengri hlaupatúrar, hermiæfingar, leikir og margt fleira á boðstólnum.

Þá hefur foreldraráðið kokkað upp plan fyrir veturinn. Á dagskránni fyrir áramót er nýliðakynning, hjólaskíðamót Sportval, skiptimarkaður, skálagisting og byrjendanámskeið svo eitthvað sé nefnt. Eftir áramót eru flestar helgar lagðar undir mót og annað skemmtilegt. Nánari dagskrá vetrarins verður kynnt síðar.

Nánari upplýsingar um æfingarnar má finna hér.

• 

• 

• 

• 

Samæfing á Akureyri 10. – 13. ágúst 2017

SKÍ boðar til samæfingu skíðagöngufólks 12 ára og eldri 10. – 13. ágúst á Akureyri.  Gist verður í Oddeyrarskóla en æfingarnar munu fara að mestu fram inni á Akureyri eða rétt utan við bæinn. Kostnaður við hvern þátttakanda er 13.000 kr.

Dagskrána í heild ásamt upplýsingum um skráningu o.fl. má sjá hér: Samæfing á Akureyri

Nánari upplýsingar gefur Jón Viðar Þorvaldsson, framkvæmdastjóri SKÍ á netfangið ski@ski.is eða í síma 660-4752.

Athugið, senda þarf skráningu á ski@ski.is síðasta lagi sunnudaginn 6. ágúst.

Samæfing í Reykjavík 8. – 11. júní

SKÍ boðar til samæfingu skíðagöngufólks 12 ára og eldri 8. – 11. júní í Reykjavík.  Gist verður í Bláfjöllum í skíðaskála ÍR og Víkings en æfingarnar munu fara að mestu fram í Bláfjöllum en einhver hluti í Reykjavík. Kostnaður við hvern þátttakanda er 13.000 kr.

Dagskrána í heild ásamt upplýsingum um skráningu o.fl. má sjá hér: Samæfing í Reykjavík

Nánari upplýsingar gefur Jón Viðar Þorvaldsson, framkvæmdastjóri SKÍ á netfangið ski@ski.is eða í síma 660-4752.

Athugið, senda þarf skráningu á ski@ski.is síðasta lagi miðvikudaginn 7.júní.

Ný námskeið að hefjast, eitthvað fyrir alla!

Nú fara að hefjast ný námskeið hjá Skíðagöngufélaginu Ulli og það má finna eitthvað fyrir alla!

Félagið stendur enn á ný fyrir þriggja vikna æfingalotum fyrir félagsmenn frá 9. mars 2017 en æfingarnar eru annars vegar ætlaðar nýjum félagsmönnum, lítt vönu skíðagöngu, til dæmis hlaupurum sem stefna á að verða Landvættir, og hins vegar þeim sem eru vanir á gönguskíðum.

Þá fer einnig af stað tveggja vikna námskeið í skíðaskauti en allir þeir sem hafa verið áður á námskeiðum hjá Ulli geta skráð sig í þennan hóp.

Að lokum viljum við minna á samæfingahópinn okkar sem hittist einu sinni í viku, á miðvikudögum kl. 18:00, en hann er fyrir þá sem vilja æfa reglulega í skemmtilegum hópi lengra kominna og/eða ætla sér að keppa t.d. í Fossavatnsgöngunni.

Hér fyrir neðan má sjá nánari upplýsingar um hópana:

Æfingalota:  Ullur stendur enn á ný fyrir þriggja vikna æfingalotum fyrir félagsmenn frá 9. mars 2017. Æfingarnar eru annars vegar ætlaðar nýjum félagsmönnum, lítt vönu skíðagöngu, til dæmis hlaupurum sem stefna á að verða Landvættir, og hins vegar þeim sem eru vanir á gönguskíðum.

Farið verður í alla helstu þætti skíðagöngunnar eins og skíðatækni, klæðnað, smurningu og fleira. Þjálfari er Einar Ólafsson, auk annarra sem hafa mikla reynslu af skíðagöngu og kennslu. Mögulega er hægt að færa fólk á milli hópa eftir getu og aðstæðum þegar líður á æfingatímabilið.

Æft tvisvar í viku, sex skipti samtals. Æfing/kennsla verður á fimmtudögum kl. 18:00 og laugardögum kl. 10:30. Fyrsta kennsla verður fimmtudaginn 9. mars kl. 18:00 í Bláfjöllum. Hluti af námskeiðinu verður smurningskennsla og verður hún haldin þegar/ef veður verður vont einhvern daginn. Fylgist með á Facebook síðu Ullar varðandi breytingar vegna veðurs. Athugið að laugardaginn 18. mars verður Bláfjallagangan, svo æfinguna þann dag þarf að færa til.

Þeir sem eru með smurningsskíði (ekki riffluð) þurfa að vera búnir að undirbúa skíðin sín fyrir settan tíma æfingarinnar hverju sinni. Einungis er hægt að fá leigð skíði ef æfingin fer fram í Bláfjöllum.

Verð fyrir æfingalotu, 6 skipti: 12.000.-

Skautaskíði:  Kennt tvisvar í viku, fjögur skipti samtals. Allir þeir sem hafa verið áður á námskeiðum hjá Ulli geta skráð sig í þennan hóp. Æfing/kennsla fyrir Skautahóp verða á fimmtudögum kl. 19:30 og laugardögum kl. 12:00. Fyrsta kennsla verður fimmtudaginn 9. mars kl. 19:30. Fylgist með á Facebook síðu Ullar varðandi breytingar vegna veðurs. Athugið að ekki er hægt að fá leigð skautaskíði. Laugardaginn 18. mars verður Bláfjallagangan, svo æfinguna þann dag þarf að færa til.

Verð fyrir skautaskíði, 4 skipti: 8.000.-

Samæfingar:  Ullur stendur fyrir sameiginlegum æfingum, einu sinni í viku, á miðvikudögum kl. 18:00 fyrir þá sem vilja æfa reglulega í skemmtilegum hópi lengra kominna og/eða ætla sér að keppa t.d. í Fossavatnsgöngunni. Ekki verður um hefðbundna kennslu á tækni að ræða, en Einar Ólafsson mun stjórna þessum æfingum auk annarra sem hafa mikla reynslu af skíðagöngu og kennslu. Fylgist með á Facebook síðu Ullar varðandi breytingar vegna veðurs.
Verð fyrir reglulegar samæfingar: 8.000.-

Skráning og greiðslur:

Nauðsynlegt er að fólk skrái sig á námskeiðin og má gera það með því að smella á viðkomandi mynd efst í dálkinum hér til hægri og fylla út eyðublað sem þá birtist. Skráningar taka gildi þegar greiðsla skráningargjalds hefur farið fram.

Greiðsluupplýsingar:

Skíðagöngufélagið Ullur
Kennitala: 600707-0780
Reikningsnúmer: 0117-26-6770
Skýring æfingalota: AEF9MAR
Skýring skautaskíði: SKA9MAR
Skýring samæfingar: SAM8MAR
Kvittun sendist til: ullarpostur@gmail.com

Vinsamlega greiðið aðeins eitt gjald í hverri færslu þannig að hægt sé að sjá fyrir hvaða þátttakanda er verið að greiða eða sendið póst á ullarpostur@gmail.com þar sem kemur fram hver borgar fyrir hvern.

Mikilvægar upplýsingar:

Námskeiðin/æfingar fara fram við skála Ullar í Bláfjöllum og í Heiðmörk. Fer það eftir veðri og aðstæðum hverju sinni.  Á heimasíðu Ullar má sjá hvernig hægt er að finna skálann, finnið „Um félagið“ – „Skálinn“ eða smellið hér.

Fyrir miðvikudags- og fimmtudagskennsluna er gott að vera með höfuðljós. Í Heiðmörk verða allir að vera með ljós. Þegar tvísýnt verður um veður í Bláfjöllum munum við auglýsa hvort af æfingu verður og/eða hvort við flytjum hana í Heiðmörkina eða á golfvöllinn í Garðabænum eða á golfvöllinn hjá Oddi.

Vakin er athygli á því að eins og á öðrum skíðasvæðum þarf að kaupa skíðakort sem gildir í brautirnar í Bláfjöllum en það er ekki innifalið í námskeiðum sem haldin eru á svæðinu. Smelltu hér til að skoða gjaldskrá skíðasvæðisins í Bláfjöllum, en dagskort kostar 950 kr. Hægt er að greiða fyrir dagskort með korti í skála Ullar.

SKÍÐAKENNSLA: Flytjum námskeið til sunnudags -UPPFÆRT-

Þetta ætlar að reynast okkur erfitt að klára þetta námskeið! Eins og er er suðaustan hvassvirði og slydduhríð í Bláfjöllum og því lokað. Veðurspá fyrir morgundaginn er betri, allavega fyrir fyrripart dags. Stefnum því á námskeið á morgun, sunnudag kl. 11:00 (byrjendur) og 12:30 (fyrir lengra komna og foreldrahópinn).

SKÍÐAKENNSLA: Í dag er lokað í Bláfjöllum

Vegna veðurs verðum við að fresta námskeiðum kvöldsins enn eina ferðina. Aðstæður eru slæmar í Bláfjöllum. Við viljum fyrst og fremst að það sé gaman og gagnlegt að koma á námskeið hjá okkur og þá skiptir miklu að aðstæður séu boðlegar.

SKÍÐAKENNSLA: Lokað í Bláfjöllum vegna veðurs

Það verður ekki troðin göngubraut í Bláfjöllum í dag vegna veðurs. Við neiðumst því til að fresta námskeiðinu.

Að sögn Bláfjallamanna er bæði hvasst og rigning á skíðasvæðinu, ekki góðar aðstæður.

SKÍÐAKENNSLA: Foreldrar og börn

Spáin fyrir morgun daginn er ekki góð óg líklegt að Bláfjöll verði lokuð. Við ætlum því að fara í skíðáburðarmálin líkt og fyrirhugða var þegar veður yrði vond. Hugmyndin er að hittast í húsakynnum ÍSÍ kl. 14:30 í dag. Þetta er stuttur fyrirvari. Ef einhverjir komast ekki þá bætum við það upp síðar.

SKÍÐAKENNSLA: Áburðarkennsla í dag

SKÍÐAKENNSLA: Vegna veðurs í Bláfjöllum er ekki hægt að halda námskeið þar í dag. Hinsvegar ætlum við að grípa tækifærið og fara yfir réttu handtökin við umhirðu á skíðum. Við höfum fengið sal A og B í húsakynnnum ÍSÍ í Laugardal þar sem kennslan fer fram. Óbreyttir tímar, kl. 13:00 hjá byrjendum og 14:30 hjá lengra komnum.