Byrjendanámskeið laugardaginn 10. mars kl 12:30

Laugardaginn 10. mars stendur Ullur fyrir námskeiði í skíðagöngu, í Bláfjöllum, fyrir byrjendur og aðra sem vilja ná svolítið betri tökum á göngutækninni. Námskeiðið hefst kl. 12:30 og  stendur í rúma klukkustund. Smelltu hér til að skoða staðsetningu Ullarskálans í Bláfjöllum, þar sem æfingin fer fram.

Takmarkaður fjöldi þátttakenda er á námskeiðið og verður leiðbeinandi á hverja 7-8. Námskeiðið kostar 3.000 kr., þeir sem þurfa að fá lánaðan búnað greiða 2.000 kr. að auki  en ekki má treysta því að fleiri en 18 geti fengið lánaðan búnað á námskeiðinu.

Skráning og greiðslur

Nauðsynlegt er að fólk skrái sig á námskeiðið og má gera það með því að fara inn á skráningar- og greiðslusíðu félagsins sem er verslun.ullur.is. Skráningar taka gildi þegar greiðsla skráningargjalds hefur farið fram.

Vakin er athygli á því að eins og á öðrum skíðasvæðum þarf að kaupa skíðakort sem gildir í brautirnar í Bláfjöllum en það er ekki innifalið í námskeiðum sem haldin eru á svæðinu.

Smelltu hér til að skoða gjaldskrá skíðasvæðisins í Bláfjöllum, en dagskort kostar 980 kr. Hægt er að greiða fyrir dagskort með korti í skála Ullar.

FIS/Bikarmót á Akureyri 16. – 18. febrúar 2018

Dagana 16. – 18. febrúar fer fram í Hlíðafjalli við Akureyri alþjóðlegt FIS-mót sem jafnframt er Bikarmót SKÍ. Drög að dagskrá og nánari upplýsingar má finna í mótsboði.

Mótið er fyrir 13 ára og eldri. Athugið að keppendur 17 ára og eldri þurfa að hafa FIS-leyfi til að taka þátt í FIS móti. Einnig, þá voru gerðar breytingar á aldri keppenda frá fyrra ári til samræmis við reglur FIS og nú miðast aldur keppenda tímabilið 2017/18 við aldur keppenda á árinu 2018.

Ullungar sem hafa hug á þátttöku, sendi póst á ullarpostur@gmail.com eða hafi sambandi við Málfríði s. 8946337  . Skráningar skulu berastí síðasta lagi 13. febrúar.

Bláfjallagöngu og Strompaskauti frestað til 17.-18. mars

Það er sárt, þegar veðrið lítur út eins og í augnablikinu, að horfa á veðurspá morgundagsins. Spáin er afleit fyrir morgundaginn í Bláfjöllum, stífur vindur á bilinu 15-25 m/s eftir því hvaða spá er skoðuð. Í því ljósi breyttrar spár er ekki ráðlegt að stefna fólki í brautina hjá GKG, en við treystum á að fá talsverða snjókomu til að gera keppnishæfa braut. Brautin þar er vel hæf til æfinga, e.t.v. ekki á spariskíðum, en vantar nokkuð á grunninn til að gera vel þjappaða tví-þríbreiða braut. Við viljum ekki stefna búnaði fjölda fólks í hættu.

Við sjáum okkur því knúin til að fresta Bláfjallagöngunni og Strompaskautinu. Við stefnum því á að halda göngurnar 17.-18. mars í staðinn.

Mótanefnd Ullar.

BLÁFJALLAGÖNGUNNI FRESTAÐ TIL SUNNUDAGS (11. feb)

Vegna slæmrar spár á laugardag 10. febrúar hefur mótsnefnd Ullar í samráði við SKÍ ákveðið að fresta Bláfjallagöngunni fram á sunnudag 11. febrúar. Sömu tímasetningar gilda og skráningar. Hinsvegar gæti verið að halda þyrfti gönguna á golfvelli GKG í Garðabæ. Það verður tilkynnt í síðasta lagi kl. 08:00 á sunnudagsmorgun.
Strompaskautið verður einnig á sunnudag ef það tekst að halda Bláfjallagönguna í Bláfjöllum. Þá yrði startað í beinu framhaldi af Bláfjallagöngunni, þ.e. að sá sem yrði fyrstur í Bláfjallagöngunni 20 km færi fyrstur af stað. Næsti maður færi svo af stað jafnt langt og hann yrði á eftir fyrsta manni í Bláfjallagöngunni og svo koll af kolli. Ekki verður hægt að keppa eingöngu í Strompaskautinu. Keppendur mega skipta um skíði eftir 20 km Bláfjallagöngu yfir í skautaskíði og stafi. Ekki væri heldur leyfilegt fyrir einhvern að keppa í 10 km í Bláfjallagöngunni og svo í Strompaskautinu út af þessum sérstöku aðstæðum. Þeir sem skrá sig í Strompaskautið líka fá 50% afslátt af þátttökugjaldinu.
Önnur dagskrá heldur sér. Verðlaunaafhending og kaffihlaðborðið er svo í Áskirkju frá kl. 15:00 á sunnudaginn.
Forskráningarfrestur er framlengdur til kl.18:00 laugardaginn 10.2.
Mótanefnd Ullar

Skráning á 6 skipta námskeið sem hefst 14. febrúar

Nú ætlum við að bjóða upp á annað langt skíðagöngunámskeið.
Við byrjum þann 14. febrúar kl. 18 í Bláfjöllum og þátttakendur munu mæta 6 sinnum til okkar og farið verður mun ítarlegar í kennsluna en á örnámskeiðunum okkar. Því er tilvalið fyrir þá sem hafa fundið neistann þar, að taka námskeið sem þetta og ná lengra. Nú á dögunum útskrifuðum við hóp af sams konar námskeiði og óhætt er að segja að allir þar hafi tekið stórtækum framförum í íþróttinni. Kennt verður á miðvikudögum kl. 18 og laugardögum kl. 11. Ef veður truflar, þá munum við flytja einstaka námskeiðsdaga eh. til.
Stefnt er að því að seinasti tíminn verði þann 3. mars.
Einn tími er innanhúss, en þá er farið í umhirðu skíða og búnað.
Verð er kr. 12.000 en skilyrði fyrir þátttöku er að vera skráður félagi í Ulli (hér er að skrá sig í félagið hér).

Hægt er að skrá sig á námskeiðið hér.

Byrjendanámskeið laugardaginn 20. janúar 2018

Laugardaginn 20. janúar stendur Ullur fyrir námskeiðum í skíðagöngu, í Bláfjöllum, fyrir byrjendur og aðra sem vilja ná svolítið betri tökum á göngutækninni. Námskeiðin hefjast kl. 10:00 og kl. 12:00 og standa í rúma klukkustund. Smelltu hér til að skoða staðsetningu Ullarskálans í Bláfjöllum, þar sem æfingarnar fara fram.

Takmarkaður fjöldi þátttakenda er á hvort námskeið og verður leiðbeinandi á hverja 7-8. Námskeiðið kostar 3.000 kr., þeir sem þurfa að fá lánaðan búnað greiða 2.000 kr. að auki  en ekki má treysta því að fleiri en 18 geti fengið lánaðan búnað á hvoru námskeiði.

Skráning og greiðslur

Nauðsynlegt er að fólk skrái sig á námskeiðin og má gera það með því að fara inn á skráningar- og greiðslusíðu félagsins sem er verslun.ullur.is. Skráningar taka gildi þegar greiðsla skráningargjalds hefur farið fram.

Aðventu- og skíðakveðja

Kæru félagar í Ulli.
Nú á næstu vikum, þ.e. þegar amstri jóla og áramóta lýkur, mun vetrarstarfið bresta á af fullum þunga, enda erum við búin að leggja inn pöntun fyrir ríflegu magni af snjó. Fyrsta sending kom á dögunum og von er á meiru fljótlega.
Til að starfið gangi sem best, þurfa félagar að vera virkir og því ætlum við að ná sem flestum á kynningarfund félagsins sem haldinn verður annað kvöld, miðvikudaginn 6. desember kl. 20:00 í húsnæði ÍSÍ í Laugardal.
Hverjum alla áhugasama til að mæta og takið gjarnan með gesti, sem hafa hug á að prófa þá frábæru íþrótt sem skíðagangan er.
Öllum skráðum félögum ætti nú að hafa borist greiðsluseðill á heimabanka og í dag hefur stór hluti okkar greitt árgjaldið, sem er gleðiefni. Fyrir það erum við þakklát!
Við viljum því hvetja þá sem eiga eftir að greiða árgjaldið að gera það sem fyrst, til að þeir geti framvísað skírteini þegar þeir sækja um árskort á skíðasvæðin, því skírteinið veitir góðan afslátt af þeim kaupum.
Félagsskírteini verða send út á næstunni, en ef félagsskírteini hefur ekki borist við kaup á árskorti á skíðasvæðin, er hægt að framvísa kvittun vegna greiðslu árgjalds.
 Jafn lítið félag og Ullur er, þarf á framlagi allra félaga að halda til að hægt sé að halda uppi öflugu starfi. Nú í haust hafa verið unnar miklar endurbætur af harðduglegum sjálfboðaliðum á skálanum og samstarf við skíðasvæðin eflt upp á að halda úti góðum troðnum brautum við hæfi allra. Þessu fáum við áorkað með öflugu starfi sem kostar sitt.
Það stefnir í glæsilegan skíðavetur og það er undir okkur öllum komið hversu öflugt félagsstarfið verður.
Aðventu- og skíðakveðja
Stjórn Ullar.

Úrslit og myndir frá hjólaskíðamótinu á sunnudag

Hjólaskíðamót Ullar fór fram á sunnudaginn í stilltu veðri í Fossvoginum en þar var nokkuð blautt eftir rigningar fyrr um daginn. Alls mættu 17 þátttakendur á öllum aldri, sem fóru ýmist 10 km, 5km, 2km, 1km eða í þrautabraut.

Í fullorðinsflokki, 17 ára og eldri, voru sigurvegarar þau Bryndís Ernstsdóttir, Ulli og Dagur Benediksson, SFÍ. Það var ferða- og útvistaverslunin Everest sem gaf glæsileg verðlaun fyrir fyrstu þrjú sæti í kvenna og karla flokki.

Nánari úrslit má sjá hér.

Myndir má finna hér en einnig má sjá fleiri myndir frá keppninni á mbl.is.