Bláfjallagöngunni frestað til 25. apríl

Kæru þátttakendur í Bláfjallagöngunni. Í ljósi nýjustu frétta og fordæmalausra aðstæðna vegna Covid-19 þá höfum við ákveðið að fresta göngunni til laugardagsins 25. apríl nk.

Skráningargjöld verða ekki endurgreidd, sjá greiðsluskilmála .

Ákvörðunin verður endurmetin ef þarf eftir 30 daga. Við vonum að þetta gangi upp og við getum komið saman 25. apríl. Látum ykkur vita um leið og eitthvað nýtt kemur í ljós.

Baráttukveðjur.

Bláfjallagangan og COVID-19

Við sem stöndum að Bláfjallagöngunni er öllum umhugað um heilsuna og okkur er mjög umhugað um ykkar heilsu.

Vegna COVID-19 faraldursins viljum við því biðja fólk sem finnur fyrir flensueinkennum að vera heima og sleppa því að mæta í gönguna, þeir sem mæta sleppi snertingum og handabandi og það er gott að halda 2-3 metra bili á milli í brautinni bæði vegna COVID-19 og það er líka öryggisatriði ef eitthvað kemur upp á.

Við ætlum að halda okkar striki varðandi gönguna en munum í ljósi aðstæðna ekki vera með kaffihlaðborð. Staðan er tekin á hverjum degi fram að göngu og við munum láta vita um leið og eitthvað breytist.

Öllum þátttakendum verður boðið í sund í Ásvallalaug, fá sundpoka, Happ+ góðgæti og fleira skemmtilegt.

Skráning er ennþá í fullum gangi hér: netskraning.is/blafjallagangan

Hlökkum til og góða skemmtun!

Heiðmerkurfréttir

Nýjustu fréttir úr Heiðmörk:

„Það er búið að fara stóra hringinn og spora á flestum stöðum og ætti þetta að vera súper flott á morgun (í dag þriðjudag), sumstaðar er það lítill snnjór að þar er bara þjappað.
Verum öll jákvæð og hress með þetta, það er einn mjög hættulegur staður sem er eftir rúman 1km og er beygjan niður á langa beina klaflan þar sem eru mjög þétt há tré, endilega passið ykkur þar og svo aðvitað á móa köflunum.

kv. Sporagengið“

UMÍ á Dalvík og Ólafsvík 13. – 15. mars 2020

Dagana 13. -15. mars næstkomandi fer fram á Dalvík og Ólafsfirði unglingameistaramót Íslands. Í skíðagöngu er mótið fyrir aldursflokkana 13 – 16 ára  (árg. 2007-2004).

Skráningar fara fram í gegnum félögin svo þeir Ullungar sem hyggja á þátttöku þurfa að senda póst á ullarpostur@gmail.com í síðasta lagi þriðjudaginn 3. mars 2020 kl 12:00. 

Mótsboð má finna hér

Bikarmót í Reykjavík 29. febrúar – 1. mars 2020

Dagana 29. febrúar – 1. mars næstkomandi fer fram í Bláfjöllum bikarmót SKÍ. Um er að ræða bikarmót sem er einungis fyrir 13-16 ára aldursflokka.

Skráningar fara fram í gegnum félögin svo þeir Ullungar sem hyggja á þátttöku þurfa að senda póst á ullarpostur@gmail.com í síðasta lagi mánudaginn 24. febrúar 2020 kl 18:00. 

Mótsboð með dagskrá og nánari upplýsingum má finna hér

FIS/Bikarmót á Akureyri 14. – 16. febrúar 2020

Dagana 14. -16. febrúar næstkomandi fer fram á Akureyri alþjóðlegt FIS-mót sem er jafnframt Bikarmót SKÍ.

Mótið er fyrir 15 ára og eldri. Athugið að keppendur 17 ára og eldri þurfa að hafa FIS-leyfi til að taka þátt í FIS-móti.

Skráningar fara fram í gegnum félögin svo þeir Ullungar sem hyggja á þátttöku þurfa að senda póst á ullarpostur@gmail.com í síðasta lagi miðvikudaginn 12. febrúar 2020 kl 10:00. 

Mótsboð með dagskrá og nánari upplýsingum má finna hér

Ókeypis hlaupanámskeið og Karlahlaup Krabbameinsfélagsins 1. mars 2020

Nú viðrar ekki vel til skíðagönguæfinga og því ágætt að nýta tímann í annan undirbúning.  Við vildum því benda Ullungum á þetta ókeypis hlaupanámskeið og Karlahlaup Krabbameinsfélagsins 1. mars.

Komdu á ókeypis undirbúningsnámskeið til að undirbúa þig fyrir Karlahlaupið.

Farið verður yfir það helsta sem hafa þarf í huga í tengslum við hlaup og hvernig best er að fara af stað. Fjallað verður um ýmis hagnýt atriði í fyrirlestri og einnig farið út á hlaupabraut (innanhúss) og hugað að upphitun, teygjum og hlaupunum sjálfum.

Námskeiðið hentar bæði byrjendum og þeim sem eru aðeins lengra komnir. Af stað nú, taktu skref í rétta átt !

Leiðbeinandi er Torfi H. Leifsson (torfi@hlaup.is) sem sjálfur hefur stundað hlaup í meira en 25 ár og staðið fyrir hlaupanámskeiðum um árabil. Á námskeiðinu sem hér er boðið upp á er stiklað á stóru úr þeim námskeiðum.

Námskeiðið er ókeypis og tvær tímasetningar í boði:

Sunnudagur 9. febrúar 10.30 – 12.00 í Kaplakrika

Sunnudagur 23. febrúar 10.30-12.00 í Laugardalshöll

Nánari upplýsingar og skráning:

https://www.mottumars.is/forsidugreinar/hlaupanamskeid

Félagsskírteini Ullar í Aur

Skíðagöngufélagið UllurFélagsskírteini Ulls eru nú gefin út rafrænt og má nálgast í Aur appinu.
Hvar finn ég skírteinið mitt?
Skírteinið er aðgengilegt í Aur appinu með því að smella á „Veski“ í aðalvalmynd. Í appinu er einnig að finna lista yfir þá samstarfsaðila sem veita félagsmönnum Ulls afslætti.

Til að nýta þá afslætti sem standa þér til boða framvísar þú einfaldlega skírteininu þínu
með því að sýna það í Aur appinu.
Ef þú ert ekki með Aur appið sækirðu appið í AppStore eða PlayStore og ferð í gegnum
nýskráningu.
Ef þú lendir í einhverjum vandræðum ekki hika við að hafa samband við í Aur með
tölvupósti á aur@aur.is eða í gegnum Facebook skilaboð.

Aur appið
Með Aur appinu geturðu borgað og fengið greitt með símanum. Þú þarft eingöngu að vita farsímanúmer þess sem þú ætlar að borga eða rukka. Þegar aðrir borga þér er lagt inn á bankareikninginn þinn sem þú skráðir. Aur millifærslur kosta ekkert ef debetkort er notað.