Skautanámskeið á næstunni – ennþá laus pláss.

ATH! Vegna veðurs þurfti að fresta fyrri tímanum. Fyrsti tíminn verður því 17. mars kl. 9 og seinni tíminn miðvikudaginn 20. mars kl. 18. Það eru ennþá laus pláss á námskeiðið.

Nú ætlum við að bjóða upp á skautanámskeið í Bláfjöllum. Tilvalið að skerpa aðeins á tækninni fyrir Strompaskautið sem haldið verður 31. mars.

Þetta verða tveir tímar, kenndir miðvikudaginn 13. mars kl. 18:00 og sunnudaginn 17. mars kl. 9:00 ef veður og aðstæður leyfa.

Skráning á verslun.ullur.is

Æfingar og námskeið næstu daga.

Ný stök námskeið komin inn á verslun.ullur.is

Nú er loksins hægt að fara á gönguskíðum um Bláfjöll aftur. Búið er að troða 4,5 km braut upp á Heiðarhorn.

Nú eru C og D hóparnir á 6 skipta námskeiðunum að klára síðustu tímana sína og ætlum við að opna fyrir skráningu á nýtt 6 skipta námskeið á morgun. Það verður með aðeins öðru sniði en hin því það verður kennt mánudaga, miðvikudaga og laugardaga á tveimur vikum. Ef þátttaka veður góð ætlum við að reyna að bjóða upp á annað námskeið strax í kjölfarið.

Stök byrjendanámskeið verða vonandi á fimmtudaginn og svo um helgina. Fer eftir veðri. Opnað verður fyrir skráningu á fimmtudagsnámskeiðið í hádeginu á morgun, miðvikudaginn 6. mars. Væntanlega verður opnað fyrir skráningu á helgarnámskeiðin á fimmtudaginn.

Munið svo að það eru skíðagönguæfingar á miðvikudögum kl. 19:30 fyrir almenning sem hefur einhverja reynslu af skíðagöngu eða hefur farið á námskeið. Tilvalið þau sem vilja æfa sig í góðum hópi, t.d. fyrir Íslandsgöngurnar eða aðrar lengri göngur.

Skráning fer fram á https://verslun.ullur.is/

 

Stakt byjendanámskeið 16. febrúar kl. 12:00. ATH! Það er fullt á námskeiðið

Við munum bjóða upp á stakt byrjendanámskeið laugardaginn 16. febrúar kl. 12:00 ef veður leyfir.

Verð á námskeiðið er kr. 3.000,- og leiga á skíðum, skóm og stöfum kr. 2.000,- fyrir þátttakendur.

Námskeiðið fer fram í Bláfjöllum og tekur u.þ.b. eina klukkustund.

Takmarkaður fjöldi.

Skráning fer fram á https://verslun.ullur.is/

 

Stök byrjendanámskeið helgina 9.-10. febrúar.

Við ætlum að vera með stök byrjendanámskeið um helgina.

Á laugardaginn kl. 12:00 og 14:00 og á sunnudaginn kl. 12:00.

Verð á hvert námskeið er kr. 3.000,- og leiga á skíðum, skóm og stöfum kr. 2.000,- fyrir þátttakendur.

Námskeiðið fer fram í Bláfjöllum og tekur u.þ.b. eina klukkustund.

Takmarkaður fjöldi kemst á hvert námskeið.

Skráning fer fram á https://verslun.ullur.is/

Snjórinn kominn og námskeið að hefjast.

Nú fara 6 skipta námskeiðin loksins að hefjast. Við erum tveimur vikum á eftir áætlun með hóp A og viku á eftir með hóp B. Við þurfum því að reyna að nýta þá daga sem hægt er.

Verðum í Bláfjöllum á mánudag, þriðjudag og miðvikudag, A hópurinn kl. 18 en B hópurinn kl. 19:30.

Stöku byrjendanámskeiðin verða væntanlega um næstu helgi en næstu 6 skipta námskeið í febrúar. Nánar auglýst síðar.

Æfinga- og námskeiðstímar riðlast.

Eins og flestir hafa tekið eftir eru aðstæður til skíðagöngu ekkert sérstaklega góðar á höfuðborgarsvæðinu um þessar mundir. Því munu námskeið og æfingatímar riðlast næstu daga og vikur.

Veðurspáin fyrir næstu daga er frekar hlý en við vonum að við taki meiri kuldi og snjókoma.

Allir sem skráðir eru á námskeið fá sendan póst en við hvetjum fólk til að fylgjast vel með á facebook.

Gjafabréf

Áttu í erfiðleikum með að kaupa síðustu gjafirnar? Langar þig að bæta einhverju skemmtilegu við í pakkana?

Eins og í fyrra ætlar Skíðagöngufélagið Ullur að bjóða upp á tvenns konar gjafabréf fyrir jólin.

Fyrri kosturinn er eins skiptis námskeið, þar sem farið er í grundvallaratriði skíðagöngunnar. Í þeim pakka gerum við ráð fyrir að fólk leigi líka búnaðinn.
Hinn kosturinn er sex skipta námskeiðið okkar, en til að fólk komist á þau námskeið, þá þarf þátttakandi að vera skráður í félagið. Því er það kort tilvalin gjöf til einhvers sem hefur tekið stutta námskeiðið, skráð sig í félagið en þarf að læra meira.

Við viljum biðja þá sem að kaupa gjafabréfin að gæta þess vel, að búið sé að greiða fyrir þau inn á reikning félagsins og taka fram í skýringum með greiðslu að um gjafabréf sé að ræða og senda kvittun á ullarpostur@gmail.com. Einnig þarf að skrá nafn kaupanda og dagsetningu kaupa á skjalið. Með því er tryggt að engar neyðarlegar uppákomur eigi sér stað þegar sá sem fékk gjafabréfið mætir á námskeið. Því treystum við því að allir sem kaupa gjafabréfin ganga vel og rétt frá öllum formsatriðum.

Þegar þið hafið greitt, þá hlaðið þið skjalinu niður af síðunni okkar hér fyrir neðan, prentið út og skrifið á það nafn og aðrar upplýsingar.

Greiðið fyrir gjafabréfin inn á reikning okkar:
Skíðagöngufélagið Ullur
kt.: 600707-0780
Reikningsnr.: 0117-26-6770
Skýring: Gjafabréf

Hér má hlaða niður gjafabréfunum (hægri smella og velja „save link“ eða vista):

Gjafabréf fyrir stakt námskeið með búnaði.

Gjafabréf fyrir 6 skipta námskeið.