FIS/bikarmót í Bláfjöllum um helgina

Um helgina fer fram FIS/bikarmót í Bláfjöllum en mótið hefst á morgun 1. febrúar kl. 18 og lýkur á sunnudag.

Dagskrá mótsins er eftirfarandi:
Föstudagur 1. febrúar
     Kl 18:00 – 20:30 Sprettganga
Laugardagur 2. febrúar
     Kl. 11:00 – 13:00 Frjáls aðferð
Sunnudagur 3. febrúar
     Kl. 11:00 – 13:00 Hefðbundin aðferð

Við hvetjum alla til að koma og horfa á hvetja keppendur áfram í brekkunum.

Athugið að skáli Ullunga verður lokaður á föstudag frá kl 16-20:30 og laugardag og sunnudag frá 9:30 til 13:00.

FIS/bikarmót í Bláfjöllum 1. – 3. febrúar í Bláfjöllum

FIS/bikarmót fyrir 13 ára og eldri verður haldið í Bláfjöllum 1. – 3. febrúar 2019. Mótsboð á ensku má finna hér.

Athygli er vakin á því að fyrir 17 ára og eldri er þetta FIS mót og því þurfa allir keppendur í þeim flokki að hafa virkt FIS keppnisleyfi. Hér má sjá hverjir eru með virk FIS leyfi.

Forsvarsmönnum skíðafélaga er bent á að þátttökutilkynningar þurfa að hafa borist í síðasta lagi kl 12 miðvikudaginn 30. janúar 2019 í tölvupóstfangið malfridur@gmail.com. Skráningarblöð má finna hér.

Snjórinn kominn og námskeið að hefjast.

Nú fara 6 skipta námskeiðin loksins að hefjast. Við erum tveimur vikum á eftir áætlun með hóp A og viku á eftir með hóp B. Við þurfum því að reyna að nýta þá daga sem hægt er.

Verðum í Bláfjöllum á mánudag, þriðjudag og miðvikudag, A hópurinn kl. 18 en B hópurinn kl. 19:30.

Stöku byrjendanámskeiðin verða væntanlega um næstu helgi en næstu 6 skipta námskeið í febrúar. Nánar auglýst síðar.

Æfinga- og námskeiðstímar riðlast.

Eins og flestir hafa tekið eftir eru aðstæður til skíðagöngu ekkert sérstaklega góðar á höfuðborgarsvæðinu um þessar mundir. Því munu námskeið og æfingatímar riðlast næstu daga og vikur.

Veðurspáin fyrir næstu daga er frekar hlý en við vonum að við taki meiri kuldi og snjókoma.

Allir sem skráðir eru á námskeið fá sendan póst en við hvetjum fólk til að fylgjast vel með á facebook.

FIS/Bikarmót á Ísafirði 11. – 13. janúar 2019 – Frestun til 15. – 17. febrúar !!

ATH MÓTINU HEFUR VAR FRESTAÐ. NÝ DAGSETNING ER 15. – 17. FEBRÚAR.

Dagana 11. – 13. janúar  15. – 17. febrúar næst komandi fer fram á Seljarlandsdal á Ísafirði alþjóðlegt FIS-mót sem jafnframt er Bikarmót SKÍ.

Mótið er fyrir 15 ára og eldri. Athugið að keppendur 17 ára og eldri þurfa að hafa FIS-leyfi til að taka þátt í FIS móti.

Skráningar fara fram í gegnum félögin svo þeir Ullungar sem hyggja á þátttöku þurfa að senda póst á ullarpostur@gmail.com í síðasta lagi þriðjudaginn 8. janúar 12. febrúar.

Mótsboð með dagskrá og nánari upplýsingum má finna hér: www.snjor.is/fis/