Vinnuferð og haustfagnaður

Næstkomandi laugardag, 29. september, ætlum við Ullungar að hafa vinnuferð í  Heiðmörk til að undirbúa skíðagöngubrautina fyrir nýjan snjósleða og troðara sem Reykjavíkurborg hefur fjárfest í.

Aðalvinnan felst í að hreinsa grjót og greinar úr brautinni. Við ætlum að hittast kl 14:00 hjá bílastæðinu við upphaf brautinnar og áætlum að ljúka vinnu 18:00.

Tilkoma þessa nýja sleða og troðara mun gerbreyta aðstöðu okkar í Heiðmörk og því mikilvægt að við leggjum okkar af mörkum við að styðja þetta verkefni. Við fáum einhver verkfæri lánuð frá Skógræktinni en ágætt ef þátttakendur gætu tekið með skóflur, malarhrífur og járnkalla.

Eftir vinnudaginn ætlum við að blása til haustfagnaðar til að fagna síðasta starfsári og hita upp fyrir komandi tímabil. Endanleg staðfesting liggur ekki fyrir, en líklega fáum við lánaðan sal í gamla Elliðavatnsbænum strax eftir vinnutörnina (18:00) þar sem félagið mun leggja til grillmat og léttar veitingar.

Vinsamlega tilkynnið mætingu á tölvupóstfangið ullarpostur@gmail.com

Með von um sjá sem flesta í vinnu og fagnaði,

Stjórnin

Flott fyrsta æfing hjá krökkunum

Fyrsta æfing „vetrarins“ var í morgun hjá krökkunum. Þetta var jafnframt fyrsta æfing nýja þjálfarans. Æfingin bar þess merki að krakkarnir væru pínu feimnir, eðlilega!

Á æfinguna mætti 11 krakkar þarf af 4 nýjir. Það verður að teljast frábær mæting á fyrstu æfingu sem einkendist af léttu skokki áður en farið var í boðhlaup. Í boðhlaupinu var skipt í þrjú lið og hinum ýmsu aðferðum beitt. Hlaupið áfram og aftur á bak, hoppað á einum fæti og á báðum fótum, áður en skokkað var til baka. Allt til að byggja upp grunnþol, styrk og jafnvægi fyrir komandi vetur.

Næsta æfing er á miðvikudaginn kl. 18:00. Nánari upplýsignar verður að finna á Facebook síðu barna og unglingastarfsins, Barna- og unglingaæfingar Ullar.

æfing 3

Endre þjálfari stjórnar sinni fyrstu æfingu, karkkarnir (og tveir áhugasamir feður) fylgjast með.

æfing 4

Hoppað á einum fæti í spennandi „boðhoppi“

Barnastarfið hefst um helgina

Laugardaginn 15. september kl. 11:00 fer vetrarstarfið í af stað hjá krökkunum. Fyrsta æfingin verður í Elliðaárdalnum, mæting á bílaplaninu við rafstöðina, klædd eftir veðri og í góðum skóm (hlaupa/íþróttaskóm eða álíka).

Við ætlum aðeins að segja frá vetrarstarfinu í upphafi æfingar og fara yfir málin. Foreldrar eru því sérstaklega hvattir til að mæta með krökkunum.

Nánari upplýsingar á krakkaullur@gmail.com og í auglýsingunni hér undir.

Skíðagönguæfingar fyrir börn og unglinga 2018-2019_1