Skíðagöngunámskeið fyrir börn og unglinga

EVALaugardaginn 3. febrúar frá kl. 12:00 til 13:00 mun foreldraráð skíðagöngufélagsins Ulls
halda námskeið fyrir börn og unglinga (6-16 ára) í Bláfjöllum.

Hugmyndin er að leyfa þeim sem vilja prófa að koma, fá lánuð skíði og njóta leiðsagnar.

Áhugasamir eru beðnir um að skrá sig á krakkaullur@gmail.com
og gefa upp nafn og aldur barns og hvort viðkomandi þurfi að fá lánuð skíði.

Athugið að Ullur á takmarkaðan fjölda barnaskíða og á því ræðst fjöldi þáttakenda.

Byrjendanámskeið laugardaginn 3. febrúar 2018

Laugardaginn 3. febrúar stendur Ullur fyrir námskeiðum í skíðagöngu, í Bláfjöllum, fyrir byrjendur og aðra sem vilja ná svolítið betri tökum á göngutækninni. Námskeiðin hefjast kl. 11:00 og kl. 13:00 og standa í rúma klukkustund. Smelltu hér til að skoða staðsetningu Ullarskálans í Bláfjöllum, þar sem æfingarnar fara fram.

Takmarkaður fjöldi þátttakenda er á hvort námskeið og verður leiðbeinandi á hverja 7-8. Námskeiðið kostar 3.000 kr., þeir sem þurfa að fá lánaðan búnað greiða 2.000 kr. að auki  en ekki má treysta því að fleiri en 18 geti fengið lánaðan búnað á hvoru námskeiði.

Skráning og greiðslur

Nauðsynlegt er að fólk skrái sig á námskeiðin og má gera það með því að fara inn á skráningar- og greiðslusíðu félagsins sem er verslun.ullur.is. Skráningar taka gildi þegar greiðsla skráningargjalds hefur farið fram.

Vakin er athygli á því að eins og á öðrum skíðasvæðum þarf að kaupa skíðakort sem gildir í brautirnar í Bláfjöllum en það er ekki innifalið í námskeiðum sem haldin eru á svæðinu.

Smelltu hér til að skoða gjaldskrá skíðasvæðisins í Bláfjöllum, en dagskort kostar 980 kr. Hægt er að greiða fyrir dagskort með korti í skála Ullar.