Ullungar á Reykjaheiði

Ullingar voru fáir en fræknir norðan heiða á laugardaginn. Komust báðir á pall  með silfur og brons.
Frábært skipulag, veður og færi, þó virðast norðanmenn hafa tekið upp kvarða sunnanmanna þar sem 20 km er jafnt og tæpir 17 og bætt um betur því 60 er jafnt og 35.
Verðlaunagripir eru sérhannaðir af Húsvískum listamönnum, Arnhildi Pálmadóttur og Jónu Birnu Óskarsdóttur, mjög eigulegir og til fyrirmyndar.
Tertur og kruðerí með besta móti. Þökkum kærlega fyrir okkur,
Þórhallur og Gísli

Andrésarleikarnir og Fossavatnsgangan

Það eru 11 Ullungar skráðir á Andrésarleikana sem verða settir á miðvikudgskvöld og keppnin er svo fimmtudag-laugardag. Ég var uppi í Hlíðarfjalli í gær og voru aðstæður hinar bestu. Ég bendi fólki á að hafa samráð um ferðir ef það getur orðið til þess að spara ferðakostnað og vona að allir séu komnir með gistingu (hafið annars samband við mig).

Fossavatnsgangan er framundan og eru aðstæður fyrir vestan hvað varðar snjóalög hinar bestu og fyllsta átæða til að hvetja til þátttöku. Bent er á að hafa samráð um ferðalög og fylla bíla til að halda ferðakostnaði niðri og einnig er vel þegið ef einhverjir eru með laust svefnpokapláss að láta vita af því. Keppendur eru minntir á að þeir eiga að geta fengið ÍSÍ fargjald í gegnum hópadeild Flugfélags Íslands.
Þóroddur F.