Óskilamunir í skálanum í Bláfjöllum

Nokkuð hefur safnast upp af hönskum, hvít prjónahúfa, skíðagleraugu og eitthvað fleira sem við viljum gjarnan koma til eigenda. Ég tók með heim mjög vandaða rauða úlpu sem mun hafa orðið eftir í skálanum fyrir um tveimur vikum, ég tel að úlpan sé í eigu ungrar stúlku og getur eigandinn hringt í mig í síma 861 9561.
Þóroddur F.

Tilboð á Madshus-skíðum

Eftirfarandi tilboð á Madshus-skíðum hefur borist frá CraftSport á Ísafirði:

Ágætu skíðamenn,
Nú erum við með lagerhreinsun á eldri gerðum af keppnisskíðum, upplagt fyrir alla að fá sér hentugt aukapar. Nú er líka lag að fá sér skautaskíði því þau eru á frábæru verði. Við gefum upp þyngd skíðamanns fyrir þessi skíði ásamt fjölda sem til er á lager.  Varðandi krakkaskíðin þá erum við ekki svo fastbundin við þyngd heldur mun fremur lengd skíðamanns. Lista yfir það sem í boði er má sjá hér.
Ágæt viðmiðun fyrir klassísk skíði og stafi:

Skíði:                                                  Stafir:
Börn: hæð + 10cm                              Börn: hæð, ca. – 10 cm
Unglingar: hæð + 20 cm                     Unglingar: hæð, ca. -30 cm
Fullorðnir: Hæð + ca. 25 cm               Fullorðnir: hæð  ca.  -25-30 cm

Varðandi skautaskíði þá eru þó tekin ca. 10-15cm minni, stafir hæð, ca. -20 cm

Með kveðju/Best regards/Med vennlig hilsen/Hiihtoterveisin
Kristbjörn R.Sigurjónsson
CraftSport/NÚPUR ehf.   Dreifingaaðili fyrir CRAFT, RODE og MADSHUS
Austurvegi 2
400 ÍSAFJÖRÐUR.

kt. 701090-1369; sími 456 3114, 456 3110; fax: 456 3231; e-mail: craftsport@craft.is; web: www.craft.is

Vantar þig rásnúmer í Vasagöngunni?

Vegna veikinda hefur losnað rásnúmer í Vasagöngunni. Hafðu samband í síma 557 6740 eða 857 1103.

Afsláttar- og ráðgjafarkvöld hjá ZO-ON Iceland

Vefnum hefur borist póstur frá Örvari J. Arnarssyni, verslunarstjóra ZO-ON Iceland, sem framleiðir og selur útivistarfatnað, þar sem skíðafólki er boðið að koma í verslun ZO-ON Iceland í Kringlunni (gegnt Zara og Bónus) miðvikudagskvöldið 15. febrúar 2012 kl. 19 til 21 og fá faglega ráðgjöf um val á skíða- og útivistarfatnaði. Einnig er í boði 30% afsláttur á öllum nýjum vörum ZO-ON. Allir eru velkomnir og Örvar verður sjálfur á staðnum og mun taka á móti gestum með bros á vör.
Mynd af boðskorti er hér til hliðar og má sjá það í fullri stærð með því að smella á myndina.

Skíðarathlaup í Laugardal

Rathlaupsfélagið Hekla hefur starfað af miklum krafti á höfuðborgarsvæðinu undanfarin ár og eðli málsins samkvæmt er starfsemin mest á sumrin. Hún liggur þó alls ekki niðri á veturna og fimmtudagskvöldið 26. janúar 2012 er efnt til næturrathlaups í Laugardalnum. Vegna þess hve mikið hefur snjóað að undanförnu verður gert ráð fyrir að komast megi leiðar sinnar og að póstunum á skíðum en skíðarathlaup eru vel þekkt í snjóþungum löndum. Þarna er því tilvalið tækifæri til að slá saman tveimur afbragðs skemmtilegum íþróttagreinum, skíðagöngu og rathlaupi. Líklega hentar þó betur að velja aðeins breiðari skíði en mjóstu brautarskíði og í myrkrinu er nauðsynlegt að hafa höfuðljós til að lesa kortið en leikurinn felst í því að finna flögg á stöðum sem merktir eru inn á kort.

Hægt verður að hefja hlaupið hvenær sem er milli kl. 19 og 20 framan við innganginn í sundlaugina í Laugardal og það kostar ekkert að taka þátt í hlaupinu. Meiri upplýsingar má sjá á http://rathlaup.is.

Jólakveðjur til Ullunga

Skíðagöngufólk á höfuðborgarsvæðinu fékk “jólagjöf” í gær þegar gengið var frá leyfi til þess að leggja skíðaspor á nokkrum svæðum innan borgarmakanna. Leyfið gildir fyrir Ull og Pál Gíslason sem er svo velviljaður að leggja til 6 hjól í þetta verkefni. Svæðin sem um er að ræða eru meðfram Ægissíðunni, á Miklatúni, í Laugardalnum á móts við Þvottalaugarnar og í Fossvogsdalnum frá Víkingssvæðinu að vestur að skógræktinni. Þetta verður tilraun sem mikilvægt er að við fáum fréttir frá ykkur um hvernig til tekst. Við munum segja frá hér á síðunni um leið og spor hafa verið lögð svo og á fésbókinni og einnig reyna að koma uppl. á framfæri í fjölmiðlum.
Gleðileg jól.

Þóroddur F. Þ.

Frétt um afreksferðir SKRR

Afreksferðir SKRR

Stjórn Skíðaráðs Reykjavíkur hefur ákveðið að hverfa frá hefðbundnu fyrirkomulagi afreksferða SKRR á komandi vetri.
Þess í stað hefur verið ákveðið að fara æfinga og keppnisferð fyrir 13-14 ára til Noregs veturinn 2012.
Með þessu fyrirkomulagi telur SKRR hægt að bjóða fleiri iðkendum þátttöku í fjölmennari og skemmtilegri ferð.
Ákveðið var að hverfa frá fyrra fyrirkomulagi vegna dvínandi áhuga þátttakenda.

=================================

Með bestu kveðju,
Árni Rudolf, formaður SKRR

Athyglisverður pistill frá Gauta Grétarssyni sjúkraþjálfara.

Sendi ykkur smá hugleiðingu um þjálfun

Hreyfing er talin vera góð til að viðhalda líkamlegu og andlegu atgervi.

Rannsóknir sýna að hæfileg hreyfing komur í veg fyrir sjúkdóma og bætir heilsu þegar til lengdar lætur.

Á heimasíðu Landlæknisembættisins segir:

Mælt er með að lágmarkshreyfing til þess að koma í veg fyrir sjúkdóma er 30 mínútna hreyfing á dag með hóflegri áreynslu, hvort heldur það er rösk ganga, sund, hjólreiðar, margvíslegir leikir eða dans eða jafnvel það að hreinsa til í garðinum eða gera hreint heima hjá sér. Hreyfingin gerir sama gagn þótt 30 mínútum sé skipt í nokkrar styttri lotur yfir daginn.

Á síðustu árum hefur svo kölluðum líkamsræktarstöðvum fjölgað og fjöldi þeirra sem þangað leitar eftir þjónustu aukist. Samhliða þessari aukningu hefur orðið veruleg aukning á svo kallaðri ofurþjálfun sem kallað er hinum ýmsu nöfnum. Er því haldið fram að árangur af þessari þjálfun sé mikill.

Í tómarúmi fjölmiðla eftir bankahrun hafa þeir leitast við að búa til nýja útrásarvíkinga og hetjur . Hetjurnar hafa þeir fundið í einstaklingum og hópum sem stunda ofuríþróttir þar sem markmiðið er að ögra líkamanum meira og meira. Er nú svo komið að enginn er maður með mönnum nema að hann hlaupi Laugaveginn, gangi á Hvannadalshnjúk, hlaupi tvöfalt maraþon á sérsmíðuðum spelkum eða gangi á 7 tinda á sama sólarhring.

Sumar af þjálfunaraðferðunum sem notaðar eru við þjálfun hópa og einstaklinga eru langt frá því að vera viðurkenndar og er nú svo komið að þessar aðferðir eru farnar að smitast yfir á hefðbundnar íþróttagreinar. Endurtekningar í þjálfunarlotum eru ekki lengur 3 x 10 heldur er farið að nota einingar eins og 3 x 100 og 1 x 300. Þetta minnir óneitanlega á bankaævintýrið þegar milljónir urðu milljarðar og eitthvað álíka. Nýjasta nýtt er að nú er farið að auglýsa þessa þjálfun fyrir börn og unglinga.

Á sama tíma og talað er um börn í verkssmiðjum í Asíu finnst okkur í lagi að börnin okkar séu í þjálfun og æfingum marga tíma á dag, allt undir nafni heilsuræktar og markaðssetningar líkamsræktarstöðva og sífellt vaxandi hóps þjálfara.

Í starfi mínu sem sjúkraþjálfari hefur á síðustu misserum orðið mikil aukning á meiðslum, áverkum og álagseinkennum sem rekja má til allt of mikillar þjálfunar einstaklinga.

Tíminn og kostnaðurinn sem fer í þessar viðgerðir, vonbrigðin sem einstaklingar verða fyrir þegar þeir geta ekki lengur setið, hreyft sig í leik og starfi er ekki þekktur.

Nú er aldamótakynslóðin búin að skila sér yfir móðuna miklu. Einstaklingar sem öttu harða lífsbaráttu til að byggja upp landið. Það sem einkenndi þessa kynslóð var slit í baki, mjöðmum og hnjám eftir mikla vinnuhörku á sjó og landi.

Hvað bíður okkar og barnanna okkar sem stunda ofurþjálfun vitum við ekki en eitt er víst. Kostnaðurinn mun auka útgjöld og skatta í framtíðinni til að borga afleiðingarnar.

Kveðja Gauti

Haukadalsskógur. Æfingasvæði framtíðarinnar???

Drauma gönguskíðabrautir. Skógarhöggsmennirnir eru sífellt að búa til nýjar brautir og slóða inni í Haukadalsskógi og þar eru margar skemmtilegar gönguleiðir og reiðstígar. Skógurinn er heilmikið notaður af útivistarfólki. „Til hvers að hafa skóg sem ekki er hægt að fara um?“ spyr Einar sem er mjög stoltur af afrakstrinum. „Við erum með nokkrar mjög breiðar og fínar brautir sem eru drauma gönguskíðabrautir. Íslenska landsliðið ætti að koma hingað til að æfa sig og Bergþór gæti lamið þá áfram.“

Þetta er á blaðsíðu 10 í Mogganum í dag. Stendur það ekki Ulli næst að grípa þessa gæs og athuga hvort úr henni gæti orðið stórsteik?

Stjórnina í málið og kanna samstarf. Það væri ekki amalegt að geta gengið í skógi þar sem alltaf er logn og aldrei skafrenningur.

Skíðin í geymsluna?

Á það hefur verið bent af fróðum mönnum að mikilvægt sé að fara vel með skíðin vetur sem sumar. Nú sé ástæða til að hreinsa áburðinn af festufletinum, t.d. hita með hárþurrku og þurrka hann svo burt með klósettpappír sem er þrifalegra en með vökva. Bræða svo mjúkan rennslisáburð á rennslisfletina og skafa ekki af, en með því móti komum við í veg fyrir að sólinn þorni og skíðin endast betur. Svo er sjálfsagt ekki verra að huga að því að skíðin hangi eða liggi þannig að vel fari um þau, það liggja jú miklir peningar í skíðunum og ánægja af að nota góð skíði. Þeir sem vilja bæta einhverju við þetta geri það endilega t.d. í gegnum umræðumöguleikann.
Þóroddur F.