Myndir úr Fossavatnsgöngunni komnar á myndavefinn

Myndir úr Fossavatnsgöngunni 2012 eru nú komnar á myndavefinn en hann finnst eins og kunnugt er með því að smella á myndina sem merkt er “Myndavefur” í dálkinum hér til hægri. Myndirnar eru teknar við startið uppi á heiði og við markið. Engar meyndir eru frá verðlaunaafhendingunni og ef einhverjir eiga slíkar myndir væri ákaflega vel þegið að fá að birta þær. Þá eru góðar myndir úr göngunni að sjálfsögðu vel þegnar. Þeir, sem vilja koma myndum á framfæri, ættu að senda vefstjóra tölvupóst (krækja neðst í dálkinum hér til hægri).
Reynt var að setja einhvern texta við allar myndirnar. Látið endilega vita ef þið rekist á einhverjar villur þar og eins ef ykkur finnst eitthvað vanta. Og munið að það má skrifa athugasemdir við myndirnar, slíkt gerir myndasafnið enn skemmtilegra!

Markaðstorg

Það hefur oft komið til tals og ýmsir hafa óskað eftir að hér á vefnum verði hægt að auglýsa skíðabúnað til sölu eða óska eftir búnaði til kaups. Nú hefur verið gerð svolítil tilraun með þetta og með því að smella á “Markaðstorg” í síðulistanum hér efst á síðunni (svarta línan) fæst síða þar sem fyrirkomulaginu er lýst. Þar eru t.d. krækjur til að skrá auglýsingu og til að sjá hvaða auglýsingar eru í gildi.

Einnig má benda á Facebook-síðu félagsins. Allir, sem “líkar við” síðuna geta sett þar auglýsingar um skíðagöngubúnað og annað sem tengist skíðagöngu. Auglýsingar sem ekkert tengjast skíðagöngu verða hins vegar fjarlægðar þaðan.

Myndir?

Frá námskeiði í skíðagöngu fyrir almenning laugardaginn 21. janúar 2012. Ljósm. Árni Tryggvason

Í dálkinum hér til hægri má smella á myndakrækju sem sækir myndasafn félagsins en þar má finna margar ágætar myndir sem tengjast starfsemi félagsins á liðnum árum. Þarna hefur hins vegar lítið bæst við í vetur. Nýjasta mappan er frá hjólaskíðamóti sem Ullur stóð fyrir í september og eina myndin, sem vefnum hefur borist síðan þá, er myndin hér til hliðar, ágæt mynd sem Árni Tryggvason tók af þátttakendum í skíðagöngunámskeiði fyrir almenning laugardaginn 21. janúar síðastliðinn.
Hafa ekki fleiri tekið myndir sem ættu erindi á myndavefinn? Þeir, sem vilja leyfa okkur hinum að njóta þeirra líka, eru beðnir að hafa samband við vefstjóra (krækja neðst í hægri dálki) og annað hvort senda honum myndirnar eða fá leiðbeiningar um hvernig þeir geta sett myndirnar sjálfir á vefinn.

Ullur á Facebook

Einu sinni var stofnaður hópur á Facebook fyrir Ull. Það var dálítið líf í honum í fyrstu en síðan lognaðist hann út af.  Félagið hefur enn áhuga á að nýta sér Facebook og hinar miklu vinsældir þess fyrirbæris sem viðbót við þennan vef til að efla samskipti milli félagsins, félagsmanna og annarra áhugamanna um skíðagöngu. Nú hefur því verið stofnuð síða á Facebook en síða hentar líklega betur en hópur til slíks. Síðuna má finna hér en einnig má finna krækju í hana í dálkinum hér til hægri undir fyrirsögninni 6. Um vefinn o.fl. Þetta er opin síða sem allir geta gerst áskrifendur að og félagið mun nota hana t.d. til að tilkynna um væntanlega viðburði, segja frá skemmtilegum uppákomum og birta myndir. Einnig til að benda á merkilegar fréttir hér á þessum vef. Til þess að þetta virki vel þarf síðan að hafa sem allra flesta lesendur og þið eruð því hér með hvött til að skrá ykkur á síðuna og senda hana áfram til allra vina ykkar sem þið getið ímyndað ykkur að hafi nokkurn minnsta áhuga á skíðagöngu!

Myndir frá Fossavatnsgöngu

Nú eru myndir frá Fossavatnsgöngunni komnar í myndasafnið og þar má m.a. sjá staðfestingu á ágætri frammistöðu Ullunga. Sjálfsagt eru margir sem eiga myndir frá göngunni og þeir, sem vilja leyfa okkur að fá þær í myndasafnið, eru vinsamlegast beðnir að senda vefstjóra orð (krækja neðst í hægri dálki).

Myndir frá Skíðamóti Íslands

Bendi á að nú eru komnar myndir frá göngukeppni landsmótsins í myndasafnið. Mæli sérstaklega með frábærum myndum Gísla Harðarsonar sem hann tók á laugardag og sunnudag. Aðrir, sem eiga myndir frá landsmótinu og vilja leyfa okkur að birta þær í myndasafninu eru vinsamlegast beðnir að hafa samband við vefstjóra. Til þess má nota tölvupóstkrækjuna neðst í hægri dálkinum hér á síðunni.

Auglýsingar á vefnum?

“Hef til sölu Fischer gönguskíðastafi, 155 cm háa. Ef þú hefur áhuga, sendu þá póst á sirryrut(hjá)gmail.com”.

Á vefurinn að taka að sér að birta auglýsingar af þessu tagi? Þetta er reyndar alvöruauglýsing þannig að ef einhvern vantar svona stafi er þarna kjörið tækifæri til að gera góð kaup. Vefurinn var beðinn að birta svona auglýsingu og það olli heilmiklum heilabrotum hjá umsjónarmanni vefsins hvernig ætti að bregðast við. Það er ekki góður kostur að birta auglýsingar á þann hátt sem hér er gert. Plássið á forsíðunni er verðmætt það er nauðsynlegt að reyna að forgangsraða einhvern veginn til að nýta það sem best. Og það er allt of mikil vinna fyrir umsjónarmann að setja auglýsingar inn með þessum hætti nema þær séu til einhverra áþreifanlegra hagsbóta fyrir félagið. Auk þess munu svona auglýsingar hverfa fljótlega niður eftir síðunni og týnast nema eftir þeim sé leitað.

Nú eru flestir félagsmenn líklega enn í sjöunda himni yfir vel heppnuðu landsmóti. Á morgun er aðalfundur og það er því kominn tími til að kippa þeim aftur niður á jörðina og fá þeim veraldlegri hluti að hugsa um, svo sem hvernig á að afla félaginu tekna og hvernig vill félagið nýta vefinn. Það getur því verið ágætis æfing fyrir aðalfundinn að skrifa nokkrar athugasemdir við þessa færslu. Er þörf fyrir smáauglýsingar á vefnum? Á félagið að reyna að hafa tekjur af þeim? Og svo framvegis …

Landsmótið á vefnum

Skíðamót Íslands í Bláfjöllum er meginviðfangsefni félagsins þessa dagana og væntanlega verður vefurinn mikið notaður til að koma á framfæri fréttum og upplýsingum um mótshaldið. Til þess að þær færslur týnist síður hefur verið búinn til nýr færsluflokkur, “Landsmót”, og með því að smella á hann í dökkgráu línunni hér fyrir ofan má kalla fram allar færslur sem tengjast mótinu. Dagskrá mótsins er svo að finna á undirsíðu undir “Æfingar og keppni” í svörtu línunni hér efst.

Myndir úr Bláfjallagöngunni

Nú eru ágætar myndir úr Bláfjallagöngunni komnar í myndasafnið. Kristján Sæmundsson tók myndirnar og er honum hér með þakkað fyrir að deila þeim með okkur.

Myndasafnið má finna neðarlega í dálkinum hér til hægri. Með því að hægri-smella á myndina þar og velja “Open in new tab/window” má opna myndasafnið í öðrum flipa eða glugga. Mappan heitir Bláfjallagangan 2011, athugið að þeir, sem hafa Picasa-vefaðgang geta skrifað athugasemdir við einstakar myndir!

Vefurinn árið 2010

Þessi vefur hefur nú verið opinn formlega síðan um miðjan nóvember og nú um áramótin sendi WordPress.com, sem hýsir vefinn, frá sér svolítið yfirlit yfir notkun ársins. Þar kemur fram að flettingar á síðum vefsins hafi verið 5.600 á árinu en þess ber að geta að nokkur hundruð þeirra áttu sér stað áður en vefurinn var opnaður og teljast sem liður í þróun vefsins. Engu að síður verða þetta að teljast allgóðar undirtektir og vonandi heldur vefurinn áfram að þróast sem vettvangur fyrir upplýsingar og skoðanaskipti félagsmanna og annarra áhugamanna um skíðagöngu.

Hér kemur svo yfirlitið:

The stats helper monkeys at WordPress.com mulled over how this blog did in 2010, and here’s a high level summary of its overall blog health:

The Blog-Health-o-Meter™ reads Wow.

Crunchy numbers

A Boeing 747-400 passenger jet can hold 416 passengers. This blog was viewed about 5,600 times in 2010. That’s about 13 full 747s.

 

In 2010, there were 48 new posts, not bad for the first year! There were 45 pictures uploaded, taking up a total of 7mb. That’s about 4 pictures per month.

The busiest day of the year was November 23rd with 357 views. The most popular post that day was Hundaæði í Bláfjöllum.

 

Where did they come from?

The top referring sites in 2010 were skidagongufelagid.blog.is, hrefnakatrin.blog.is, facebook.com, my.yahoo.com, and is.wordpress.com.

Some visitors came searching, mostly for ullur, ullur .com, hlíðarfjalli, ullur.wordpress.com, and sigríður rut skúladóttir.

Attractions in 2010

These are the posts and pages that got the most views in 2010.

1

Hundaæði í Bláfjöllum November 2010
19 comments

2

Veðrið October 2010

3

Skálinn January 2010

4

Um félagið January 2010

5

Hafið þið séð Hengilmænu? November 2010
3 comments