Laugardagur 25. febrúar – Námskeið í skíðagöngu fyrir almenning

Nú er besti tími vetrarins til skíðagöngu framundan og nóg er af snjónum í Bláfjöllum.

Þriðja námskeiðið í skíðagöngu fyrir almenning verður á laugardaginn. Námskeiðið hefst kl. 12:30 og lýkur kl 14:00, þeir þátttakendur sem þurfa skíðabúnað (takmarkaður fjöldi getur leigt búnað hjá okkur) eru beðnir að koma kl. 12:00. Námskeiðið kostar kr. 1000 og skíðabúnaður fyrir námskeiðið kr. 500 og greiðist við upphaf námskeiðsins (enginn posi).

Skráning hér til hliðar.

Fylgist með skilaboðum hér á síðunni á laugardagsmorgun ef fresta verður námskeiðinu vegna veðurs.
Þóroddur F.

Námskeið sem vera átti í Bláfjöllum í dag frestast

Vegna verðurs er lokað í Bláfjöllum og námskeið Birgis Gunnarssonar frestast fram í vikuna.
Þóroddur F.

Breyting á dagskrá helgarinnar 27.-29. jan.

Vegna slæmrar veðurspár er ákveðið að fresta ÆFINGAHELGI fyrir þá sem ætla að taka þátt í lengri göngum og einnig NÁMSKEIÐI fyrir almennning.

Kannað verður hvort aðstæður, veður og spor, gera mögulegt að halda barna- og unglingaæfingu og almenna æfingu innan Höfuðborgasvæðisins eða í Heiðmörk um helgina.

Fylgist með á síðunni kvölds og morgna.
Þóroddur F.

Spakmæli dagsins: Ekkert skíðasvæði án skafrennings.

Dagskrá helgina 27.-29. janúar 2012

NÁMSKEIÐSHELGI. Kjörðið tækifæri fyrir alla þá sem ætla að taka þátt í göngumótum vetrarins, einnig unglinga, t.d. Íslandsgangan-Vasa. Kennari Birgir Gunnarsson.
Verð 5000 kr. Greiðist við upphaf námskeiðs.
Föstudagur kl. 17-19 bóklegur tími í Íþróttamiðstöðinni í Laugardal (skrifstofubyggingin sem fyrst er komið að). Farið yfir tækni, þjálfun, undirbúning fyrir lengri göngur t.d. Vasa, val á skíðum, áburð o.fl. Sýnd kennslumyndbönd o.fl.
Laugardagur kl. 11-13 æfing í Bláfjöllum. Farið yfir tækni frá a-ö
Sunnudagur kl. 11-12 æfing í Bláfjöllum – tekið videó af þátttakendum.
Sunnudagur kl. 17-18 tími í Laugardal farið yfir videóupptökur, fyrirspurnir og umræður.
Skráning er hér á vefnum, smellið á næstefstu myndina í dálkinum til hægri!

NÁMSKEIÐ fyrir almenning, grunnatriði í skíðagöngu.
Laugardagur kl. 14-15:30, skráning á heimasíðunni (efst í dálkinum til hægri), verð 1000 kr. greiðist á staðnum, skíðabúnaður fyrir námskeiðið kr 500, takið fram við skráningu hvort þörf er á að leiga búnað.

BARNAÆFING
Laugardagur kl 11-12 þjálfari Gunnar Birgisson.

SKÍÐI FYRIR ALLA: T.d. hreyfihamlaða og blinda, opin kynning í Bláfjöllum á vegum SKÍ sunnudaginn 12. febrúar kl. 11.00 – 16.00. Fólk þarf ekki að skrá sig, bara mæta við Bláfjallaskálann og þar verður fólki vísað áfram.

Allir þurfa að fylgjast með heimasíðunni þar sem breytingar kunna að verða á staðsetningu æfinga eða fresta þarf námskeiðir vegna óhagstæðs veðurs í Bláfjöllum.
Þóroddur F.

Helgin 21.- 22. jan. Æfing, námskeið og snjódagurinn.

ÆFING fyrir lengra komna er stefna í göngumót, kl. 11:00 undir stjórn Óskars Jakobssonar

NÁMSKEIÐ fyrir byrjendur og þá sem vilja bæta sig í skíðagöngu. Annað námskeið vetrarins verður laugardaginn 21. janúar og hefst kl. 13:00 við skála Ullunga í Bláfjöllum. Þátttakendur eru beðnir að mæta kl. 12:30 og námskeiðinu lýkur kl 14:30.

Þátttökugjald er kr 1.000 og greiðist á staðnum. Hægt er að leigja (takmarkaður fjöldi) gönguskíði og skó til að nota á námskeiðinu fyrir 500 kr.

Æskilegt er að fólk skrái sig á námskeiðið svo hægt sé að undirbúa það sem best, t.d. að tryggja hæfilegan fjölda kennara. Langbest er að það sé gert hér á vefnum með því að smella á myndina efst í dálkinum til hægri, fylla í reitina sem þá birtast og smella síðan á “Submit”.

Ef einhverjar spurningar vakna er ágætt að bera þær fram með því að “rita ummæli” við þennan pistil, þá verður þeim svarað.

SNJÓDAGURINN á sunnudaginn, þá gefst öllum tækifæri til að prófa gönguskíði milli kl 12 og 14 við skála Ullunga og fá fyrstu tilsögn, nánar um það síðar.
Þóroddur F.

Vel heppnað námskeið í gærkvöldi

Helsta áhyggjuefni þeirra sem að námskeiðinu stóðu var að ekki tækist að ljúka kennslunni áður en skíðaspor og jafnvel færð á veginum í Bláfjöll færu bókstaflega út í veður og vind. En það slapp, þó að sums staðar væri farið að skafa í sporin tókst að halda áætlun og allir komust heim áður en fór að hvessa að ráði. Þarna voru 25 nemendur sem nutu leiðsagnar fjögurra kennara og ekki varð annað séð eða heyrt en að flestir ef ekki allir væru hinir ánægðustu.

Hugað verður að næsta námskeiði sem fyrst eftir að ástandið í Bláfjöllum er aftur komið í gott horf eftir hláku helgarinnar. Það verður auglýst hér á vefnum og á Facebook-síðunni. Þá er um að gera að hafa hraðar hendur til að tryggja sér pláss því varla er hægt að sinna stærri hóp í einu en var á þessu námskeiði. Fylgist því með!

Ef þeir, sem voru á þessu námskeiði, vilja koma á framfæri ábendingum um eitthvað sem við þyrftum að lagfæra fyrir næsta námskeiðer tilvalið að gera það með athugasemdum við þessa færslu.

Námskeið í skíðagöngu fyrir almenning eru að hefjast á vegum Ulls

Loftmynd af Bláfjallasvæðinu. Myndin af skála Ullar er tekin frá stólalyftunni í Suðurgili.

Námskeiðið í dag er fullbókað! En það verða fleiri námskeið þannig að þeir sem misstu af þessu fá annað tækifæri.

Fyrirhugað er að halda námskeið fyrir byrjendur og þá sem vilja bæta sig í skíðatækni.  Fyrsta námskeiðið verður fimmtudaginn 12. janúar og hefst kl. 18:00 við skála Ullunga í Bláfjöllum.  Þátttakendur eru beðnir að mæta kl. 17:30 og námskeiðinu lýkur kl 19:30.

Þátttökugjald er kr 1.000 og greiðist á staðnum.  Hægt er að leigja (takmarkaður fjöldi) gönguskíði og skó til að nota á námskeiðinu fyrir 500 kr.

Æskilegt er að fólk skrái sig á námskeiðið svo hægt sé að undirbúa það sem best, t.d. að tryggja hæfilegan fjölda kennara. Best er að skrá sig með því að smella á myndina efst í dálkinum hér til hægri og fylla í reitina á síðunni sem þá birtist.

Ef einhverjar spurningar vakna er ágætt að bera þær fram með því að “rita ummæli” við þennan pistil, þá verður þeim svarað.

Á myndinni má sjá hvar skála Ullunga er að finna. Smelltu á myndina til að stækka hana!

Þjálfaranámskeið SKÍ og opin landsliðsæfing fyrir 13 ára og eldri

Dagana 7.-9. október halda fræðslunefnd SKÍ og Skíðagöngunefnd SKÍ þjálfaranámskeið og opna landsliðsæfingu í Reykjavík. Opna landsliðsæfingin er fyrir 13 ára og eldri. Samhliða æfingunni verður haldið þjálfaranámskeið (2. hluti Þjálfari 2). Fyrirkomulagið verður með svipuðu sniði og æfingin/námskeiðið í fyrrahaust.

Meðfylgjandi er dagskrá æfingarinnar með tímasetningum. Athygli skal þó vakin á því að tímasetningar laugardag og sunnudag gætu breyst þar sem við þurfum að samræma námskeið og æfingu. Tímasetningar föstudag ættu að standast.

Námskeiðið verður haldið á ÎSÍ í laugardalnum og æfingarnar dreifast sennilega eitthvað um svæðið. Nánar um staðsetningu á ÍSÍ og við æfingar síðar.

Eins og í fyrra mun Linus Davidsson landsliðsþjálfari vera með bæði æfingu og námskeið. Hann mun að einhverju leiti taka upp þráðinn frá námskeiðinu í fyrra. Við viljum einnig hvetja félögin/þátttakendur að koma með óskir um innihald á námskeiði og við sjáum hvort ekki verður hægt að bregðast við því og svo að Linus geti verið undirbúinn.

Skránig á námskeið og æfingu er á olafur@vma.is og þar er einnig hægt að fá nánari upplýsingar um námskeið/æfingu. Þátttökugjald á námskeið er kr. 15.000 fyrir þátttakendur af stór-Reykjavíkursvæðinu og kr. 10.000 fyrir þá sem koma langt að. Þetta til að jafna aðeins ferðakostnað. Ekkert þátttökugjald er á æfinguna.

Fjölmennum á námskeiðið/æfinguna og gerum það eins skemmtilegt og í fyrra!

Þið getið svo sent þetta áfram á þá sem ekki eru á póstlistanum (eða bent öðrum á að skoða þetta hér á vefnum!).

SKÍÐAGÖNGUNEFND SKÍ
FRÆÐSLUNEFND SKÍ

Frá SKÍ: Opin landsliðsæfing og þjálfaranámskeið í Reykjavík

Helgina 7.-9. október mun Skíðagöngunefnd SKÍ og Fræðslunefnd SKÍ halda opna landsliðsæfingu fyrir 13 ára og eldri. Æfingin mun verða í Reykjavík. Einnig verður haldið þjálfaranámskeið í skíðagöngu. Skipulagið mun verða svipað og í fyrra haust þegar æfing og þjálfaranámskeið var haldið í Reykjavík. Sú æfing tókst vel og einnig var gerður góður rómur af þjálfaranámskeiðinu. Linus Davídsson landsliðsþjálfari mun halda utan um bæði æfingu og námskeið eins og í fyrra og hann vill taka upp þráðinn frá námskeiðinu 2010 og verður þetta framhald af því.

Skíðagöngunefnd SKÍ og fræðslunefnd SKÍ

Sunnudagur 3. mars

Landsmóti framhaldið í dag og hefst lokakeppni skíðagöngunnar kl 11 og er fólk hvatt til að koma og fylgjast með. Stefnt er að því að hafa tilsögn fyrir almenning kl 13 og 14:30, skráning í skála Ullunga og kostar kr 1500, tilsögn um áburðarnotkun og meðferð gönguskíða verður hægt að fá í og við skálann á sama tíma. Minnt er á aðalfund Ulls er verður kl 20 á miðvikudagskvöld í Íþróttamiðstöðinni í Laugardal.
Þóroddur F.