Æfingar og keppni

Æfingar

Veturinn 2011-2012 er stefnt að því að hafa reglulegar æfingar fyrir börn og unglinga undir stjórn þjálfara. Gunnar Birgisson hefur verið ráðinn þjálfari barna og unglinga í vetur og hefur hann þegar stjórnað fáeinum æfingum. En þar sem hann hefur nú verið valinn til að keppa fyrir Íslands hönd á Ólympíuleikum ungmenna í Innsbruck 13.-22. janúar 2012 munu aðrir góðir menn leysa hann af þar til eftir Ólympíuleikana. Fyrirkomulag mun verða kynnt á vefnum, fylgist með!

Námskeið verða haldin fyrir byrjendur og þá sem vilja ná aðeins betri tökum á hinni bráðskemmtilegu íþrótt skíðagöngunni.

Einnig er stefnt að því að “trimmhópur” komi reglulega saman. Þar geta þeir, sem hafa hug á að taka þátt í mótum innanlands eða utan borið saman bækur sínar og fínpússað tæknina í samráði við kunnáttumenn.

Þá er stefnt að æfingabúðum þar sem þeir sem vilja búa sig betur undir göngumót, svo sem Íslandsgönguna eða langar göngur í útlöndum, geta æft undir leiðsögn þjálfara.

Nánari upplýsingar um öll þessi atriði er að finna á undirsíðunni Æfingar 2011-2012.

Keppni

Bláfjallagangan verður haldin laugardaginn 3. mars (sunnudagur 4. mars til vara). Önnur mót hafa ekki verið ákveðin en líklegt er að Reykjavíkurmeistaramót verði haldið og hugsanlega einhver innanfélagsmót.

Mótaskrá SKÍ má finna hér.